Para sa negosyo… ALDEN, NAG-ARAL ULI, CUM LAUDE

ni Nitz Miralles - @Bida | September 21, 2021

Congratulations kay Alden Richards dahil nakumpleto nito ang two courses mula sa FinancePH Seminars at very proud na ipinost ng ama nitong si Richard Faulkerson, Sr. o Daddy Bae ang dalawang certificates na natanggap ni Alden.

May dapat ipagmalaki si Daddy Bae dahil sa course na Stock Market 101: Fundamental Analysis, nakalagay sa Student Grade ang “Cum Laude.” Sa Financial Accounting 101 For Entrepreneurs and Professionals, ang Student Grade niya ay “With Distinction.” Ang mga courses na ito ay makakatulong sa pagiging businessman ng aktor.

Tinupad ni Alden ang nai-tweet na: “Quarantine told me to use my downtime to invest in “self-improvement.” Time is your best asset.”

Nabanggit nito sa mediacon ng season break ng The World Between Us na kumuha nga siya ng online classes at morning ang schedule niya. Pati acting classes, nag-enroll siya online, hindi pa yata tapos dahil wala pang balita.

Proud din ang mga fans ni Alden sa kanyang achievement at ipina-trend nila ito, at wish nilang more study courses for him na makakatulong sa pagiging actor niya at pagiging businessman.

Samantala, balik-locked-in taping na si Alden at ang cast ng The World Between Us. Fourth cycle na ng taping nila at tuluy-tuloy na yata hanggang matapos ang serye dahil ikakasal na si Tom Rodriguez sa October 23.

Habol na habol din sila sa November 15 schedule ng pagbabalik-airing ng teleserye.