Para patayuan ng dream house nila…

ALEX, SISING-SISI NA IPINA-DEMOLISH PA ANG BAHAY NA GIFT NG PARENTS NG BF

ni Nitz Miralles - @Bida | December 19, 2020

Ang ganda ni Alex Gonzaga na suot ang iba’t ibang wedding gowns ng La Grace. Inakala tuloy na photo shoot na niya ‘yun para sa wedding nila ni Mikee Morada. Pero, kinuha lang pala siyang model for the beautiful gowns.

Sari-saring comments ang aming nabasa at ang pinakakuwela, ulitin daw ni Alex ang photo shoot, ‘yung hindi siya pagod at hindi nakasimangot para mas maganda pa lalabas ang kanyang pictorial. Sa tingin naman namin, tama lang ang kanyang mood sa mga isinuot na gown.

Anyway, habang hindi pa ikinakasal, naka-focus muna sina Alex at Mikee sa pagpapatayo sa kanilang future home na sabi ng mga netizens, nasa Makati area raw at regalo ng parents ni Mikee sa kanila ni Alex.

Aliw lang na sa latest vlog about the house, parang may pagsisisi si Alex na ipina-demolish pa ang dating bahay na nakatayo sa location ng magiging bahay nila ng future husband. Nakakatawa rin ang sinabi nitong sana, hindi sila umabot sa pagbebenta ng laman-loob para matapos ang ipinatatayong bahay.