Papa Ohh Mamaw sisiklab sa 3-Yo Race

ni Green Lantern - @Renda at Latigo | July 22, 2022

Nakatakdang magpasiklab ni Papa Ohh Mamaw sa 3-Year-Old & Above Maiden Race na ilalarga sa San Lazaro Leisure Park sa Carmona, Cavite, ngayong araw.

Pakakawalan ang nasabing karera sa race 1 ang simula rin ng winner take all, (WTA), kakalabanin ni Papa Ohh Mamaw ang pitong tigasing kabayo sa distansiyang 1,400 meter.

Rerendahan ni jockey JB Guerra si Papa Ohh Mamaw at posibleng magbigay ang mga kalahok na sina Mabuhay at Best Offer na sasakyan ni former Philippine Sportswriters Association, (PSA) Jockey of the Year awardee Jessie B. Guce.

Bukod kina Mabuhay at Best Offer, makakatagisan ng bilis ni Papa Ohh Mamaw sina Destiny, Quiet Thunder, Triedntested, Pakikisama at Gee's Colt.

Nakalaan ang added prize na P10,000 para mananalong 3-year-old horse sa event na inisponsoran ng Philippine Racing Commission, (PHILRACOM) sa pamumuno ni chairman Reli De Leon. Pitong balanseng karera ang inihain ng Manila Jockey Club Inc. (MJCI) ngayong araw kaya paniguradong masisiyahan ang mga karerista sa kanilang paglilibang.

Isa pang kabayo na markado sa mga karerista ay si Yana's Silver na sasalang sa PHILRACOM Rating Based Handicapping System na ilalarga sa pang-limang karera.

Gagabayan ni Conrad Henson, inaasahang mapapalaban si Yana's Silver kay This Time ayon sa mga komento ng karerista sa social media.

Ang ibang kasali ay sina Victorious Passion, Gethsemanesmiracle, One Of A Kind, Go On Eugene, Meteora, Aliassime at Sun Moon Lake.

Samantala, sa darating na Linggo na pasisibatin ang 2022 PHILRACOM 3rd Leg Triple Crown Stakes race na aarangkada sa pista ng Sta. Ana sa Naic, Cavite.

Mga Pili ni Green Lantern:

Race 1 - Papa Ohh Mamaw (6), Best Offer (8), Mabuhay (2)

Race 2 - Super Master (4), Tiger Boy (8), Tocque Bell (5)

Race 3 - Tininini (8), Gossips/Princess Mamba (3/3A), Love N' Kisse (4)

RACE 4 - Ninong (6), Pulang Lupa (2)

Race 5 - Yana's Silver (3), This Time (4), Meteora (7)

Race 6 - Joel Purama, (7), Mark Of Distinction (3), El Mundo (5)

Race 7 - Tokyo Tokyo Rumba (7), Can You Giub (8), Coastal Road (9)