Panuntunan ng mga ahensya ng gobyerno

ni Atty. Persida Rueda-Acosta - @Magtanong Kay Attorney | November 3, 2022

Dear Chief Acosta,

Nais kong gamitin sa aking talumpati ang mga rules and regulations ng ahensya ng gobyerno. Kinakailangan pa ba ng kanilang pahintulot upang magamit ito? - DJ

Dear DJ,

Para sa iyong kaalaman, nakasaad sa Seksyon 176.1 ng “Intellectual Property Code of the Philippines” na:

“176.1. No copyright shall subsist in any work of the Government of the Philippines. However, prior approval of the government agency or office wherein the work is created shall be necessary for exploitation of such work for profit. Such agency or office may, among other things, impose as a condition the payment of royalties. No prior approval or conditions shall be required for the use of any purpose of statutes, rules and regulations, and speeches, lectures, sermons, addresses, and dissertations, pronounced, read or rendered in courts of justice, before administrative agencies, in deliberative assemblies and in meetings of public character.”

Malinaw sa nasabing batas na kailangan lamang kunin ang pahintulot o pagsang-ayon ng mga ahensya ng gobyerno kung gagamitin ang mga gawa nito para pagkakitaan. Gayunman, hindi pa rin kailangan ang pahintulot kung ang gagamiting gawa ay batas, panuntunan, talumpati, pangaral, address at disertasyon. Kaya naman, hindi mo kailangan kumuha ng pahintulot mula sa kaukulang ahensya ng gobyerno para gamitin ang kanilang rules and regulations, maging ito man ay para sa iyong talumpati o iba pang legal na layunin.

Sana ay nabigyan namin ng linaw ang iyong katanungan. Ang payong aming ibinigay ay base lamang sa impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.