Pang-X rating daw… MTRCB: MUSIC VIDEO NI TONI FOWLER, I-REPORT PARA MATANGGAL SA YOUTUBE

ni Janiz Navida @Showbiz Special | February 24, 2023

Kinokondena ngayon ng maraming netizens ang kontrobersiyal na music video ng vlogger-influencer-turned TV star via FPJ's Batang Quiapo na si Toni Fowler.

May nag-send sa amin ng link ng MV (music video) sa YouTube dahil gigil na gigil ito sa diumano'y kabastusan ng naturang kanta at mismong video.

True enough, kami man ay shocked galore at muntik nang mapa-sign of the cross sa sobrang KABULGARAN (uy, kami rito sa BULGAR, wholesome, ha!) ng naturang music video na MPL ang title.

Ang inisip agad namin ay paano ang mga kabataan na mas matagal gumagamit ng social media at nakababad sa panonood sa YouTube? Paano 'pag sila ang nakapanood ng sobrang bastos na music video na ito?

Kaya naman may mga reaksiyon kaming nabasa mula sa mga netizens na humihirit na iboykot ang naturang music video at may panawagan ding i-report ito sa YouTube para tanggalin.

At marami rin ang nagagalit ngayon kay Toni Fowler na nananawagan pati kay Coco Martin na tanggalin na rin daw ang character nito sa Batang Quiapo dahil hindi nga raw ito good influence sa manonood at puro kalaswaan ang alam.

Pati ang pagiging nanay ni Toni ay nakukuwestiyon na rin ngayon dahil ano raw ituturo nitong maganda sa kanyang anak na babae pa naman kung ganyang kabastusan daw ang pinaggagawa nito sa kanyang music video.

Samantala, maging ang MTRCB ay may paglilinaw na kaugnay sa lumabas na maling balita na diumano'y binigyan nila ng SPG (strong parental guidance) rating ang naturang MPL video ni Toni Fowler.

Sa kanilang inilabas na statement, mababasa ang…

“In an online article published by Bandera, one of the personalities that appeared therein, Ms. Papi Galang, was quoted alleging that the song MPL and its music video was rated as STRONG PARENTAL GUIDANCE (SPG).

“The MTRCB wishes to inform the public that MPL did not undergo MTRCB review and classification, hence, it was not given any rating by the Board.

"The MTRCB also stressed that had board been given the opportunity to rate the music video, it would have been given a “Not for Public Exhibition” or an “X” rating.

“We appeal to Ms. Galang, to be circumspect in her statements, and for news organizations such as Bandera to practice responsible journalism by fact-checking their reports before publication, as the public may be led to believe that the MTRCB had given its highest allowable rating for airing content on television to the said material."