Pang-world class ang performance… Gary V. bilib sa galing ng BINI

ni Lucille Galon @Entertainment News | July 1, 2024

Nakatanggap ng mataas na papuri ang Nation's Girl Group na BINI mula kay Mr. Pure Energy Gary Valenciano nang mapanood nito ang Day 2 ng "BINIverse" concert nu’ng Sabado ng gabi sa New Frontier Theater.

Sey ni Gary ay talaga namang nag-enjoy siya nang husto sa performance ng BINI. Aniya, “The way they were talking to the audience, the way they were talking to each other, the way they were cracking jokes, the way they were working together with the production.

May mga style sila na gustung-gusto kong makita, because it proved to me that ABS-CBN really did what they had to do in order to bring out the best in these girls.”

Na-impress din si Mr. Pure Energy sa pag-maintain ng mga girls sa kanilang energy sa loob ng 3 oras na concert. Pahayag niya, “Hindi madali ang ginagawa nila. It was almost a three-hour show and most of their songs were dances. But I think, there was never a dull moment.” “Not one moment na kung saan you're just, 'Ano na?' They were always there onstage," dagdag niya.

Talaga namang pang-world-class ang BINI at agree si Gary V dito. "I am so happy that the Philippines has a P-pop group, an all-female P-pop group that we can be proud of. It's something that we can truly be proud of," sey niya.

Samantala, sinabi rin ni Gary na si BINI's Gwen Apuli ay may sakit simula pa nu’ng day 1 ng concert, hirap na raw itong kumanta. “I know that Gwen is really not feeling well. I spoke to her backstage, halos wala na s’yang boses. Prayed for her and all the other girls,” ani Gary Valenciano.

Finally, meron na rin tayong sariling girl group na talaga namang sumikat, hindi lang sa ‘Pinas kundi sa ibang bansa rin. True naman na nakaka-LSS (Last Song Syndrome) ang mga songs nila tulad ng Salamin, Salamin at Pantropiko at nakakamangha na mga dance moves. Bongga!