Pang-showbiz daw talaga… ANDRE, 'DI NAKATIIS SA PBA, 1 SEASON LANG, BABU NA

ni Vinia Vivar - @Frankly Speaking | June 25, 2022

Umalis na sa PBA (Philippine Basketball Association) si Andre Paras at nagdesisyon na ipagpatuloy na lang ang kanyang pag-aartista.

Matatandaang last year nang iwan pansamantala ni Andre ang show business nang mapili siyang maging player ng Blackwater Bossing ng PBA.

Pero mukhang sa showbiz na talaga ang puso niya dahil after playing for one season, he decided to leave the league para muling bumalik sa showbiz.

Sa panayam ng 24-Oras ay masayang-masaya ang binatang anak ni Benjie Paras sa kanyang pagbabalik.

“I'm very excited. I'll be working with a lot of new people I look up to and I can't really wait to meet them in person,” aniya.

Ayon pa sa Kapuso actor, nagpaalam naman siya nang maayos sa kanyang team.

“It's been one year and I'm finally back. I did talk to my team, I did it in person. (I told them) my reason why I wanted to step down from the league and they accepted it. I'm very thankful because suportado po sila and that's where I would love to leave it,” he said.

Sa ngayon ay pinaghahandaan na ni Andre ang kanyang mga upcoming projects sa Kapuso at una na nga rito ay ang seryeng Abot Kamay na Pangarap kung saan ay gaganap siya bilang isang young doctor.