Palibhasa lalake, paborito sa NPJAI

ni Green Lantern - @Renda at Latigo | April 9, 2022

Malaki ang tiwala ng mga tagahanga ni Palibhasa Lalake na mananalo ito sa Condition race ng "NPJAI - Hapi Group race" na ilalarga ngayong araw sa San Lazaro Leisure Park sa Carmona, Cavite.

Pero ayon sa ibang mga karerista ay inaasahang mapapalaban si Palibhasa Lalake ng todo dahil mahuhusay din ang kanyang mga katunggali.

"Maganda ang mga itinatakbo ni Palibhasa Lalake kaya tingin ko kayang-kaya niya 'yung laban," kompiyansang sabi ni Robert Villahermosa, veteran karerista.

May couple entry si Palibhasa Lalake pag-arangkada ng nasabing karera sa Race 2 ito'y si Doctor Amorette, sasakyan sila nina Kelvin Abobo at NC Lunar ayon sa pagkakasunod.

Makakatagisan ng bilis nina Palibhasa Lalake at Doctor Amorette sina Concepcion, Messi, Eugene Onegin, Lucky Julliane at magka-kuwadrang Secret Romance at Sky Dancer. "Para sa akin mahirap na karera 'yan, hindi nakakasiguro si Palibhasa Lalake baka masilat siya kay Sky Dancer," komento ni Gilbert Tejada, karerista.

May distansiyang 1,500 meter race ang nasabing event na suportado ng Philippine Racing Commission, (PHILRACOM).

Hahamigin ng mananalong kabayo ang added prize na P20,000 kaya tiyak na bakbakang umaatikabo ang mapapanood ng mga karerista.

Tiyak na aabangan din ng mga karerista ang banatan ng siyam na kabayo sa "NPJAI - Engr. Simon Crisostomo race " na pakakawalan sa unang karera.

Posibleng makakuha ng malaking suporta sa liyamadista ang kalahok na Refuse To Lose na gagabayan ni class A rider Abobo. Ang makakalaban ni Refuse To Lose ay sina Bravo, Asiong, Lemonada, Sari Baby, Speeding Hero, Pulang Lupa, The Accountant at Goldsmith.

Mga Pili ni Green Lantern:

Race 1. Refuse To Lose (1), Asiong (3), Goldsmith (9)

Race 2. Palibhasa Lalake/Doctor Amorette (1/1A), Sky Dancer/Secret Romance (6/6A)

Race 3. Charm Bell (10), Joyous Solution (11), Declare For Flare (7)

Race 4. Step Bell (6), Double Strike (2), Lucky Saver (3)

Race 5. Gomper Girl (6), Great Wall (2)

Raace 6. Tiger Boy (6), Beli Bell (3), Ninong (1)

Race 7. Bordelle (10), Wishful Thinking (9), Fantastic Matty (6)

Race 8. Jean Genie (4), Crown In My Head (1), Innocare/Solution (10/10A)

Race 9. Manila Boy (12), It's A Deal (2), Signature Whiskey (3)