Palaban ang customs chief sa smuggling sa Port of Manila, nganga sa raket sa Port of Cagayan de Oro

ni Pablo Hernandez III - @Prangkahan | August 30, 2022

PORT OF CAGAYAN DIST. COLLECTOR ELVIRA CRUZ, 'PAGBAKASYUNIN' MUNA HABANG INIIMBESTIGAHAN ANG LIBU-LIBONG SAKO NG ASUKAL NA NAKA-HOARD SA CAGAYAN DE ORO CITY—Sangkaterbang saku-sakong asukal ang natuklasan ng Bureau of Customs (BOC) na naka-hoard sa mga warehouse sa Cagayan de Oro City.

Ang tanong: Wala bang plano si Customs Comm. Yogi Felimon Ruiz na "pagbakasyuhin" muna si Port of Cagayan de Oro District Collector Elvira Cruz at Port sa kanyang puwesto habang iniimbestigahan kung paano nakapasok sa bansa at nai-hoard ang mga asukal sa mga warehouse sa Cagayan de Oro City.

Sa totoo lang, kinabiliban ng publiko si Comm. Ruiz nang sibakin niya agad si dating Port of Subic District Collector Maritess Martin matapos na matuklasang maraming asukal din ang naka-hoard sa Subic, kaya't nagtataka ang mamamayan kung bakit ang astig ng aksyong ginawa ng Customs head kay Martin, pero parang "lalambut-lambot" naman kay Cruz.

◘◘◘

SAAN KAYA LUMUSOT ANG LIBU-LIBONG SAKO NG ASUKAL NA NAKA-HOARD SA QC., SA PORT OF MANILA KAYA O SA MANILA INTERNATIONAL CONTAINER PORT?—Libu-libong sako ng asukal din ang nadiskubre ng BOC na naka-hoard sa mga warehouse sa Quezon City.

Saan kaya dumaan ang mga naka-hoard na libu-libong sako ng asukal? Sa jurisdiction kaya ni Port of Manila District Collector Michael Angelo Vargas o sa jurisdiction ni Manila International Container Port (MICP) District Collector Allan Rosales?

'Yan ang dapat alamin ni Comm. Ruiz.

◘◘◘

DAPAT DAKPIN NI COL. BAROT ANG EX-COP NA ILLEGAL GAMBLING PROTECTOR AT GAMBLING LORDS' SA MALABON—Kaya raw walang awtoridad na naglalakas-loob na dakpin ang mga gambling lords ng Malabon City na sina "Mario Bokbok," " Atan," "Noel," "Ponga" at "Lina Robles" na nag-o-operate ng sakla, lotteng, EZ-2 ay dahil protektado ito ng isang dating pulis na nagpapakilalang "bata" ni Northern Police District (NPD) Director, B/Gen. Ponce Penones.

Dapat utusan ni Gen. Penones si Malabon City chief of police, Col. Albert Barot na dakpin ang ex-cop na ito na gumagamit sa kanyang pangalan at dakpin din ang mga gambling lords ng Malabon para mapatunayan niya sa publiko na hindi niya kinukunsinte ang illegal gambling sa kanyang nasasakupan.

◘◘◘

KAPAG MAY GINAWANG AKSYON SINA GEN. HERNIA AT GOV. DOLOR LABAN SA 'PERYA NG BAYAN-CON JUETENG' GOOD, PERO KAPAG WALANG AKSYON BAD 'YAN—Hiniling ng Philippine Charity Sweepstakes Office (PCSO) kina Police Region 4-B Director, Gen. Sidney Hernia at Gov. Humerlito Dolor na ipatigil ang illegal na operasyon ng "Perya ng Bayan-con jueteng sa Oriental Mindoro.

Kapag inaksyunan nina Gen, Hernia at Gov. Dolor ang hiling ng PCSO ay good 'yan kasi pagpapatunay na anti-illegal gambling sila, pero kapag wala silang ginawang aksyon ay bad kasi indikasyon na kinukunsinte nila ang "Perya ng Bayan-con jueteng" sa lalawigang ito.