PAGCOR director Pedrosa, pumanaw na

ni Lolet Abania | June 9, 2022

Pumanaw na si Carmen “Chit” Pedrosa, isa sa mga director ng Philippine Amusement and Gaming Corporation (PAGCOR). Sa isang post sa Facebook, ayon sa PAGCOR si Pedrosa ay pumanaw nitong Miyerkules, Hunyo 8, sa edad na 80.

Naglabas naman ng statement ang Malacañang nitong Miyerkules, at lubos na nakikidalamhati sa pamilya ni Pedrosa, kaibigan at mga kasamahan sa kanyang pagpanaw.

“Our thoughts and prayers are with the loved ones of Ms. Pedrosa as they find strength in this period of mourning,” saad ni Presidential Communications Secretary Martin Andanar.

Inilarawan ng PAGCOR si Pedrosa bilang anila, “a well-known book author, and a celebrated newspaper columnist [ng Philippine Star].”