top of page
Search
- BULGAR
- Oct 21, 2023
ni Angela Fernando - Trainee @News | October 21, 2023
Nasakote sa ginawang operasyon ng Philippine National Police Anti-Cybercrime Group ang walong lalaki sa Balanga City, Bataan matapos masangkot sa ilegal na online gambling nitong Biyernes, Oktubre 20.
Ayon sa report na inilatag ng PNP-ACG, sinimulan nilang umaksiyon matapos makatanggap ng report mula sa Philippine Amusements and Gaming Corporations (PAGCOR) noon pang buwan ng Agosto.
Sa isinagawa umanong inspeksiyon ng pulisya, nakuha ang search warrant galing sa computer data ng mga nahuli.
Nasamsam din ng pulisya ang mga desktop, extension monitor, laptop, mobile phones, tablet, Airmix tambiolo, set ng numbered plastic balls, router at CCTV sa naturang operasyon.
Hinihiling ng PNP-ACG ang kooperasyon ng mga nabiktima sa pamamagitan ng pagre-report sa awtoridad.
Sa kabilang banda, paalala naman ng pulisya, mag-ingat ang mga nag-o-online raffle sa pagsusuri kung ang isang nag-oorganisa ng raffle ay may nararapat na permit.
Nahaharap naman sa kasong nakapailalim sa Cybercrime Prevention Act ang mga nadakip na suspek.
- BULGAR
- Jul 22, 2023
ni BRT @News | July 22, 2023
Nakatakdang ilunsad sa susunod na taon ng Philippine Amusement and Gaming Corporation (PAGCOR) ang sarili nitong online casino.
Sinabi ni PAGCOR Chairman and CEO Alejandro Tengco na layon ng gambling site na “CasinoFilipino.com” na kumuha ng mga virtual reality based technology.
Ang mga maglalaro aniya ay makakadama ng para na rin silang nasa physical na mga casino.
Makakaakit aniya ito ng mga audience sa iba’t ibang panig ng mundo.
Sa kasalukuyan aniya ay inayos na rin nila ang mga slot machines at nakatakdang gumawa ng sariling IT programs at system na makatutulong sa pagsasaayos ng kanilang management systems.
Tiwala rin si Tengco na mahihigitan nila ngayong taon ang kanilang target collections.
RECOMMENDED
bottom of page