Pagbisita ni Zelenskyy sa 'Pinas, ikinatuwa ni P-BBM

ni Angela Fernando @News | June 3, 2024

Ipinahayag ni Pangulong Ferdinand 'Bongbong' Marcos Jr. nitong Lunes ang kanyang kasiyahan sa pagbisita ni Pangulong Volodomyr Zelenskyy ng Ukraine sa Pilipinas upang talakayin ang mga isyung kapwa hinaharap ng dalawang bansa.

Tinanggap ni Marcos si Zelenskyy sa Malacañang Palace ngayong umaga kung saan sila nagkaroon ng bilateral na pagpupulong. Sinabi niya na masaya siyang makita ang Ukrainian Pres. dahil hindi sila nagkaroon ng pagkakataong makatagpo ito sa 2024 IISS Shangri-La Dialogue sa Singapore.

Gayunpaman, nagpahayag si Marcos na umaasa siyang ang kanilang pag-uusap ay magkakaroon nang mas magandang pupuntahan sa kabila ng hindi pa natatapos na digmaang kinakaharap ng Ukraine laban sa Russia.