Pag-endorso ni Sen. Dela Rosa kay JV Ejercito, sablay?

ni Pablo Hernandez III - @Prangkahan | April 24, 2022

MAY NAG-UUTOS BA KAY ISKO PARA PUTAKTIHIN NG BATIKOS SI VP LENI? – Nagtataka si political analyst Maria Ela Atienza, dating chairperson ng University of the Philippines (UP)-Political Science Department kung bakit si Vice Pres. Leni Robredo ang pinuputakti ng batikos ni presidential candidate, Mayor Isko Moreno gayong rank number 2 lang sa mga survey si VP Leni.

Hmmn, baka may nag-utos kay Yorme na mag-ala blogger para atakehin nang atakehin si VP Leni, boom!

◘◘◘

MASAKIT SA DAMDAMIN NI ISKO ANG PAG-ENDORSO NG MILF AT NI CONG. MANGUDADATU KAY VP LENI – Inendorso nina MILF (Moro Islamic Liberation Front) leader Al Hadj Murad Ibrahim at Maguindanao Rep. Toto Mangudadatu ang kandidatura for president ni VP Leni.

Naku, hindi man aminin ay tiyak masakit sa damdamin ni Mayor Isko ang isyung ‘yan, kasi dati ang pamilyang Mangudadatu ay sa kanya nakasuporta, ngayon kay VP Leni na, period!

◘◘◘

HINDI KAYA MAGING NEGATIBO KAY JV EJERCITO ANG ENDORSEMENT SA KANYA NI SEN. DELA ROSA? – Inendorso ni Sen. Ronald ‘Bato’ Dela Rosa ang kandidatura for senator ni former Sen. JV Ejercito.

Ang tanong: Hindi kaya maging negatibo sa kandidatura ni JV ang endorsement sa kanya ni Sen. Dela Rosa?

Sa totoo lang kasi, ang daming nagalit noon kay Sen. Dela Rosa nu’ng panahong maraming naghihikahos ang buhay dulot ng lockdown, dahil ang dami na ngang naghihirap noon, tapos sa online Senate session ang sabi ng senador ay sarap daw buhay nila, at inirekomenda pang dapat daw lagi na lang silang mag-zoom sa session, boom!

◘◘◘

KUNG SINUMAN ANG MAGING NEXT PRESIDENT, SANA’Y IPAHULI NA ANG MGA BABAENG SMUGGLER SA CUSTOMS – Hindi pa rin daw naglulubay sa kanilang smuggling activities sa Customs sina alyas "Tina U", "Big Mama" at "Kimberly".

Napaka-untouchable naman ng mga babaeng smuggler na ito kasi kahit sinong maging presidente ay hindi natitigil ang raket nila sa Customs.

Sana, kung sinuman ang susunod na maging presidente ay ipaaresto na ang tatlong smuggler na ito para matapos na happy days nila sa Customs, period!