Paano kung biglang maglaho ang COVID-19 na parang bula?

BULGAR

Feb 7, 2022

2 min read

ni Ka Ambo - @Bistado | February 07, 2022

HINDI talaga nauubusan ng intriga ang kandidatura ni ex-Sen. Bongbong Marcos.

Lumantad sa National Press Club ang nagpapakilalang lehitimo ring anak ni dating Pangulong Marcos na si Maria Aurora Marcos na isa ring “presidentiable”.

◘◘◘

IDINEKLARANG nuisance ng Comelec si Maria Aurora pero naghihintay siya ng TRO sa Korte Suprema.

Ang problema, ikinakatwiran ng Comelec na tapos na disenyo at na-plantsa na ang balota kaya’t hindi maiimprenta ang pangalan nito.

◘◘◘

GUEST candidate si Maria Aurora Bunsoy Marcos ng Partido Maharlika.

Ayon kay Maria Aurora, marami siyang ebidensiya at buhay na testigo na magpapatunay na isa siyang lehitimong Marcos.

Patok na patok ang isyung ito sa mga “Maritess”.

◘◘◘

MARAMI ang natutuwa sa pagpasok ng dalawang baguhang kandidato sa Magic 12 ng senatorial race.

Parehong nasa Top 12 ang bar topnotcher na si Gibo Teodoro at outstanding PNP chief na si Gen. Guillermo Eleazar.

Ibig sabihin, namumulat na ang tao sa matinong pagpili ng mga kandidato.

◘◘◘

TALIWAS sa ilang big time candidates na naglulustay ng milyones sa media ads, walang gaanong propaganda sina Teodoro at Eleazar.

Puhunan lang ng dalawa ay malinis na track record, performance, integrity at academic excellence.

Silang dalawa lang ang may ganyang qualification sa lahat ng kandidato.

◘◘◘

MALAKING tulong sa bansa kapag nakapasok sa Senado ang topnotcher lawyer kaysa sa best actor.

Mas epektibo kapag naging senador ang top police officer kaysa sa police character.

◘◘◘

MAHIGPIT ang bakbakan sa huling apat na slot sa Magic 12 sa senatorial race lalo pa’t hindi pa nagsisimula ang official campaign period.

Malaya pa ring mag-isip at kumursunada ang mga botante kung anong numero ang mamarkahan sa balota.

◘◘◘

SISIMULAN na ang vaccination sa mga may edad 15 hanggang 12 years old laban sa COVID-19.