₱680 K shabu nakulimbat, 2 timbog

ni Angela Fernando - Trainee @News | October 23, 2023

Timbog ang dalawang high-value individuals (HIVs) matapos mahulihan kamakailan ng 100 gramo ng drugs at ng kalibre .38 na baril sa isang buy-bust operation na ginawa ng Rizal Police Provincial Office (Rizal PPO) sa Barangay San Rafael, Rodriguez, Rizal.

Kinilala ang mga suspek na sina alyas "Ron-ron" at "Sophia" na kabilang sa watchlist sa Rizal.

Pahayag ni Police Regional Office Calabarzon (PRO Calabarzon) Acting Regional Director PBrig. Gen. Paul Kenneth Lucas, "I underscored that the dedicated efforts of our PRO Calabarzon personnel stand as a resounding testament to our unwavering commitment in the fight against illegal drugs and the unlawful possession of firearms. This commitment is especially crucial as we gear up for the forthcoming 2023 Barangay and Kabataan Sanggunian Election."

Inilipat ang dalawa sa Rizal Provincial Crime Laboratory Office upang sumailalim sa drug testing at forensic examination.

Pinaghahandaan ng mga operatiba ang isasampang kaso sa dalawang suspek para sa paglabag sa RA 9165, na mas kilala sa tawag na "Comprehensive Dangerous Drugs Act of 2002," pati na rin sa RA 10591 o “Comprehensive Firearms and Ammunition Regulation Act" at Batas Pambansa 881, o mas kilala bilang “Omnibus Election Code of the Philippines."