ni Eli San Miguel - Trainee @News | November 30, 2023
Nakumpleto na ng Department of Public Works and Highways-Cagayan Third District Engineering Office ang konstruksiyon ng flood control system sa Cagayan River sa Brgy. Andarayan, Solana, Cagayan.
Sinabi ni District Engineer Mariano B. Malupeng na pinalalakas ng proyekto ang kaligtasan at seguridad ng mga tirahan, negosyo, at kabuhayan na malapit sa ilog.
Pinalalakas din ng imprastruktura ang kakayahan ng 4,500 residente sa lugar laban sa posibleng pagbaha, dagdag niya.
Pinondohan ang proyektong nagkakahalaga ng P29 milyon sa ilalim ng General Appropriations Act ng kasalukuyang taon. May haba ang imprastruktura na 133 metro.