P100 dagdag-sahod, pinalagan ng mga negosyante

ni Angela Fernando - Trainee @News | February 24, 2024

Binigyang-diin ng ilang negosyante na magdudulot ng pagtaas sa presyo ng mga bilihin ang panukalang ₱100 wage hike dahil sa inflation.

Pinunto ng ilan sa kanila na malaki ang epektong idudulot ng pagtaas ng sahod lalo na sa mga maliit na negosyo dahil maaari itong magresulta sa pagtatanggal ng mga manggagawa dahil sa karagdagang gastos.

Matatandaang nakapasa na sa ikatlong pagbasa sa Senado ang panukalang batas habang ito ay patuloy pang nakabinbin sa Kamara.

Samantala, nag-anunsyo na ang mga manufacturers at factory ng kanilang balak na taas-presyo sa kanilang mga produkto.