P1-k kada buwan para sa mga lolo’t lola

ni Atty. Persida Rueda-Acosta @Magtanong Kay Attorney | Pebrero 3, 2023

Dear Chief Acosta,

May kapitbahay kami na isang senior citizen at wala nang kakayahang magtrabaho.

Dahil dito, nais kong malaman kung may batas ba na maaari kong pagbasehan upang malaman kung ang gobyerno ay may pinansyal na maitutulong para sa aking kapitbahay? Maraming salamat. –Elvy

Dear Elvy,

Ang sagot sa iyong katanungan ay matatagpuan sa Seksyon 1 at Seksyon 2 ng Republic Act (R.A.) No. 7432, na inamyendahan ng R.A. No. 11916 o “An Act Increasing the Social Pension of Indigent Senior Citizens and Appropriating Funds Therefor, Amending for the Purpose Republic Act No. 7432, Entitled “An Act to Maximize the Contribution of Senior Citizens to Nation-Building, Grant Benefits and Special Privileges, and For Other Purposes”.

Nakasaad dito na:

Section 2. Definition of Terms. — For purposes of this Act, these terms are defined as follows:

(j) Social Pension refers to the monetary grant from the government to support the daily subsistence and medical needs of senior citizens which shall not be less than One thousand pesos (P1,000) per month.

Section 5. Government Assistance. — The government shall provide the following:

(h) Additional Government Assistance

(1) Mandatory Social Pension

Indigent senior citizens shall be entitled to a monthly stipend amounting to not less than One thousand pesos (P1,000) to augment the daily subsistence and other medical needs of senior citizens.”

Ayon sa nasabing probisyon na batas, may tinatawag na social pension ang mga senior citizens na hindi kayang suportahan ang kanilang sarili. Ibig sabihin, ang ating gobyerno ay naglalaan ng monetary grant sa mga senior citizens bilang suporta o pandagdag sa kanilang pang-araw-araw na pangangailangan o sa gastusing medikal. Ang halaga ng nasabing social pension ay hindi bababa sa P1,000 kada buwan. Kung kaya, sa nabanggit mo na sitwasyon, ang iyong kapitbahay na senior citizen ay maaaring makakuha ng social pension na hindi bababa sa P1,000 kada buwan bilang tulong sa kanyang gastusin sa araw-araw o medikal na pangangailangan.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa inyong patuloy na pagtitiwala.