ni BRT | March 18, 2023
Inaasahan ang rollback sa presyo ng mga produktong petrolyo sa susunod na linggo.
Sa pinakahuling oil trading sa nakalipas na apat na araw o mula Marso 13 hanggang 16, ayon sa oil industry source, posibleng bumaba ang presyo ng diesel sa P1.70 hanggang P1.90 kada litro.
Samantala, ang presyo ng gasoline ay bababa rin ng P1.00 hanggang P1.20 kada litro.
Karaniwang ipinatutupad ang pagbabago sa presyo ng produktong petrolyo tuwing Martes.