P-BBM, nakatakdang magsalita sa UN General Assembly – DFA

ni Lolet Abania | September 13, 2022

Ipinahayag ng Department of Foreign Affairs (DFA) ngayong Martes na nakatakdang magsalita si Pangulong Ferdinand “Bongbong” Marcos Jr. para sa United Nations General Assembly sa Setyembre 20.

“What is confirmed is PBBM will attend and deliver a statement at the 77th UNGA on 20 September,” saad ni DFA spokesperson Teresita Daza sa isang text message.

Samantala, isang birthday luncheon ang ginanap sa Rizal Hall sa Malacañang ngayong Martes para sa pagdiriwang ng ika-65 kaarawan ni Pangulong Marcos.

Sa isang video na i-upload sa Facebook page ni Department of Social Welfare and Development Secretary Erwin Tulfo, maraming mga high-ranking government officials ang umawit ng birthday song para sa Pangulo na naroon sa stage kabilang sina Vice President Sara Duterte, Senate President Juan Miguel Zubiri at House Speaker Ferdinand Martin Romualdez.

Namataan din sa okasyon si dating Pangulong Gloria Macapagal-Arroyo.