P-BBM, kaisa sa pagdadalamhati sa pagpanaw ni Queen Elizabeth

ni Lolet Abania | September 9, 2022

Kaisa si Pangulong Ferdinand “Bongbong” Marcos Jr. ng buong mundo sa pagdadalamhati sa pagpanaw ni Queen Elizabeth II, na siyang pinakamatagal na nanungkulang monarch ng Britain.

“It is with profound sadness that we receive the news of the passing of Her Majesty Queen Elizabeth II in Balmoral Castle yesterday evening,” pahayag ni Pangulong Marcos sa Facebook.

“She exemplified to the world a true monarch’s great dignity, commitment to duty, and devotion to all those in her realm,” dagdag nito.

Ayon sa Pangulo, ang mga Pilipino, kabilang na ang mga naninirahan at nagtatrabaho sa England, “have found ourselves having developed a great sense of affection for her as a Queen, as mother, and as a grandmother,” kahit na aniya, hindi naman kanyang naging subjects.

“The world has lost a true figure of majesty in what she demonstrated throughout her life and throughout her reign as Queen,” saad ni Pangulong Marcos.

Inanunsiyo ng Buckingham Palace ang pagpanaw ni Queen Elizabeth sa kanyang Scottish summer residence matapos ang halos isang taon nitong pagkikipaglaban sa kanyang kalusugan.

“The Queen died peacefully at Balmoral this afternoon,” ayon sa Buckingham Palace sa isang pahayag, mula sa GMA News Feed.

Batay sa report ng Reuters, ang 96-anyos na si Elizabeth ay reyna ng Britain at mahigit isang dosenang iba pang mga bansa simula 1952, kabilang na ang Canada, Australia at New Zealand. Habang ipinagdiwang niya ang kanyang ika-70 taon sa trono nitong Hunyo 2022.

Sa edad na 25, naupo si Queen Elizabeth sa trono matapos na pumanaw ang kanyang ama na si King George VI noong Pebrero 6, 1952.

Samantala, ang panganay niyang anak na si Prince Charles ang magiging bagong hari ng Britain, na tatawaging King Charles III.