P-BBM at European Council Pres. Michel, nag-meet na sa Belgium

ni Lolet Abania | December 14, 2022

Nagkita na sina Pangulong Ferdinand “Bongbong” Marcos Jr. at European Council President Charles Michel sa Brussels, Belgium, ngayong Miyerkules (Manila time).

Ginanap ang bilateral meeting nina P-BBM at Michel, na nagkausap ang dalawang lider, sa Europa Building sa Brussels bago pa ang Association of Southeast Asian Nations (ASEAN) – European Union (EU) Commemorative Summit.

Si Michel ang nag-imbita kay Pangulong Marcos sa Belgium para lumahok sa ASEAN-EU event. Sa summit, inaasahan naman na tatalakayin ni Pangulong Marcos ang prayoridad ng administrasyon, partikular na ang tungkol sa pagpapalawig ng kooperasyon sa agriculture, trade, at maritime ties.

Bukod sa European Union, nakatakda rin na magkaraoon ang Chief Executive ng bilateral meetings sa mga lider na mula sa Belgium, Estonia, the Czech Republic, Spain, Denmark, Germany, Poland, Finland, at the Netherlands.