ni Fely Ng - @Bulgarific | July 16, 2022
Hello, Bulgarians! Sa pagpapalakas ng ekonomiya pagkaraan ng pandemya ang open banking at open finance ang dalawang modelong pinag-uusapan ng mga sektor ng pananalapi, na may pangakong baguhin ang banking at financial services.
Ito ang pangunahing punto ng talakayan sa ika-14 na edisyon ng virtual roundtable series E-TalkTales ng Union Bank of the Philippines (UnionBank), na naganap kamakailan sa pamamagitan ng Zoom. Ang kaganapan ay pinangunahan ng Fintech Business Group Head ng UnionBank na si Erika Dizon bilang pangunahing tagapagsalita nito.
Sa kanyang presentasyon, ipinaliwanag ni Dizon na ang open banking at open finance ay maaaring bahagyang magkaiba — ang una ay nagtataguyod ng pagbabahagi ng data sa mga serbisyo sa pagbabangko, habang ang huli ay nagtataguyod ng pagbabahagi ng data at kakayahan sa buong sektor ng pananalapi — ang layunin ay pareho, sa paglikha ng isang open ecosystem. Aniya, ang open ecosystem ay nagbibigay ng maraming benepisyo, kabilang ang tuluy-tuloy na pag-access at pagbabahagi ng data, mas maraming pagkakataon para sa kooperasyon at pakikipagtulungan, at higit sa lahat ay nagtuturo ng potensyal na baguhin ang paraan ng pagtingin ng mga tao sa pagbabangko at pananalapi.
Naglista si Dizon ng ilang halimbawa kung paano positibong makakaapekto ang open finance movement sa iba't ibang sektor ng lipunan. Para sa mga service provider, maaari itong magbigay ng inspirasyon sa pagbabago at makagawa ng bagong stream ng kita. Para sa mga negosyo, maaari itong magsulong ng mas mataas na transparency at kahusayan sa pagpapatakbo. Para sa mga customer, makakatulong ito sa pag-enable ng personalization at mas higit na makabuluhang karanasan.
Pagkatapos ng kanyang presentasyon, lumahok si Dizon sa isang fireside chat kasama ang event moderator, ang beteranong mamamahayag na si Rico Hizon. Isa sa mga tanong na sinagot niya ay ang data privacy, na kasalukuyang isa sa pinakamalaking alalahanin na may kaugnayan sa open banking at open finance. Inulit niya na sa pagbabangko, dapat mayroong pahintulot ng customer, kung saan maaaring magkaroon ng pagpipilian ang mga end user na ibahagi ang kanilang data o hindi, at limitahan kung gaano karami sa kanilang data ang gagamitin.
“We understand that some financial institutions, some fintechs, some third parties have specific products and services that we don’t, and we believe that for us to be able to better serve our customers, we should be able to integrate those specific products and services into our own,” pahayag ni Dizon.
“More importantly, it adds value to our customers and how they do their financial transactions, and that is what’s really important to us,” saad ni Dizon. “Of course, as a bank, there is a bottom line that we need to think of, but we believe that there is a space for both to co-exist, for the customers to be served appropriately and for the Bank to be able to have new business models.”
Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.