ni Clyde Mariano @Sports | April 17, 2024
“Maluwag kong tinanggap ang aking kabiguan. No excuses. No alibi. Ginawa ko naman ang lahat pero nabigo ako. Paris Olympics is not really meant for me. The time has come for me to leave weightlifting world for good and focused my attention to my family and HD Weightlifting Academy.”
Iyan ang mariing pahayag ni Tokyo Olympics gold medalist Hidilyn Diaz sa eksklusibong panayam ng Bulgar sa 60th year anniversary ng Milo sa Pilipinas na dinaluhan ng mga kapwa atleta kung saan siya naging role model at brand ambassador ng Switzerland based Nestle Company makers of Milo kasama si Chris Tiu, 1992 Barcelona Olympics bronze medalist Bea Lucero-Lhuillier, Alyssa Valdez at Jamie Lim.
Habang kinakausap ng reporter na ito, hindi maitago ni Diaz ang lungkot at pilit pinipigilan ang kanyang luha habang isinasalaysay ang kanyang kabiguan para sana sa ika-limang beses na paglalaro sa Olympics. “Lahat ng mga kalaban ko ang timbang ay 59 kg samantalang ang ideal weight ko ay 55kg,” wika ng 32-year old Hall of Famer, most bemedalled athlete at lone Olympic gold medalist at reigning World Weightlifting champion. “Kung hindi inalis ang 55kg malamang makalaro ako sa Paris. Wala akong magagawa dahil discretion ng host country,” malumanay na sagot ni Diaz. “Hindi ko iiwanan ang weightlifting. I’m still around and visible. I cannot turn my back to the sports closest to my heart that catapulted me to international prominence. Nandiyan at makikita n’yo pa rin ako,” ani Diaz.
Nang tanungin tungkol sa planong maging coach, sagot ni Diaz. “Possible. Not this time.” Nabigo man si Diaz nagtagumpay naman si Tokyo Olympian at Cambodia Southeast Asian Games record holder si Erleen Ann Ando sa 59kg matapos makapasa ang pinsan ni Diaz si Rosegie Ramos at Cebuano pride John Fabuar Ceniza. “I congratulate Ando for booking a trip ticket to Paris. I’m out, Ando in. She deserves the Paris trip,” sabi ni Diaz kay Ando.