Nuggets, umigpaw sa Jazz; Giannis, best defensive player

ni MC - @Sports | August 27, 2020

Naiwasan ng Denver Nuggets na masibak sa laro at mapuwersa ang Game 6 matapos talunin sa do-or-die game ang Utah Jazz, 117-107 sa Game 5 ng round 1 ng best-of-seven playoffs series na ginaganap sa bubble sa pasilidad ng Walt Disney sa Orlando, Florida.

Sumandal ang Nuggets kay Jamal Murray na pumuntos ng 42 points, 8th rebounds at 8 assists upang maibalik sila sa serye. Nanatiling kontrolado ng Jazz, hawak ang 3-2 na kartada, ang serye at nangakong tatapusin na ang Nuggets sa Game 6. Bumida sa Jazz si Donovan Mitchell na bumomba ng 30 points.

Samantala, hinirang ng NBA bilang 2019-2020 Defensive Player of the Year si Milwaukee Bucks star Giannis Antetokounmpo. Ito’y matapos tumanggap ng 75% first place votes mula sa panel ng 100 sportswriters at broadcasters at makatipon ng kabuuang 432 points total.

Si Antetokounmpo na hinirang na 2018-19 NBA MVP, ang naging pang-limang manlalaro na tumanggap ng MVP at Defensive Player of the Year award sa kanyang career para mapabilang kina Kevin Garneet, Hakeem Olajuwon, Michael Jordan at David Robinson.

Pumangalawa naman sa botohan si Los Angeles Lakers forward Anthony Davis na may 14 first-place votes na 200 points habang si Utah Jazz center Rudy Gobert ay nagtapos na pang-anim (187 points). Pangungunahan ni Antetokounmpo, 25, ang best defensive team ng liga na Bucks, na may average na 13.6 rebounds, 1 block at 1 steal sa 30.4 minutes kada laro.

Paborito rin si Antetokounmpo na magwagi ng MVP award ngayong taon.