NCR, Alert Level 1 pa rin… 32 lugar, isinailalim sa COVID-19 Alert Level 2 — DOH

ni Lolet Abania | October 31, 2022

Isinailalim ni Pangulo Ferdinand “Bongbong” Marcos Jr. ang 32 lugar sa COVID-19 Alert Level 2 mula Nobyembre 1 hanggang 15, ayon sa Department of Health (DOH) ngayong Lunes.

“But while we see a continuous decline in case and admission trends, we must remember that deescalation does not mean that the battle with COVID-19 is already over. These current numbers are not permanent; we must all work together to maintain these low numbers,” pahayag ni DOH OIC Maria Rosario Vergeire.

Ang mga lugar na isinailalim sa Alert Level 2 mula Nobyembre 1-15 ay:

Luzon

Cordillera Administrative Region – Benguet, Ifugao

Calabarzon -- Quezon Province

Mimaropa -- Palawan

Bicol Region -- Camarines Norte, Masbate

Visayas

Western Visayas – Antique, Negros Occidental

Central Visayas – Bohol, Cebu Province, Negros Oriental

Eastern Visayas – Leyte, Northern Samar, Western Samar

Mindanao

Zamboanga Peninsula -- City of Isabela, Zamboanga Del Sur, Zamboanga Sibugay

Northern Mindanao -- Lanao del Norte

Davao Region -- Davao De Oro, Davao Del Norte, Davao Del Sur, Davao Occidental

Soccsksargen -- North Cotabato, Sarangani, Sultan Kudarat

Caraga -- Dinagat Islands, Surigao del Norte

Bangsamoro Autonomous Region in Muslim Mindanao – Basilan, Lanao Del Sur, Maguindanao, Sulu, Tawi-tawi

Sa ilalim ng Alert Level 2, pinapayagan ang face-to-face classes, dine-in services, religious gatherings, at personal care services, at mga piling establisimyento at aktibidad na mga fully vaccinated individuals (at minors, kahit na unvaccinated pa) ng 50% sa indoor venue capacity at 70% sa outdoor venue capacity.

Samantala, ang buong Metro Manila at 72 pang lugar sa bansa ay nasa ilalim naman ng Alert Level 1, kung saan pinapayagan ang lahat ng establisimyento na mag-operate ng 100 percent capacity, kabilang ang ibang mass gatherings, subalit para lamang sa mga may full vaccination status.

Sa isang statement, sinabi rin ng DOH, “President Ferdinand “Bongbong” Marcos Jr. approved the new COVID-19 Alert Level System (ALS) classifications for provinces, highly urbanized cities, and independent component cities for the given period.”

Base sa kasalukuyang inaprubahang ALS classifications, may kabuuang 89 o 74% mula sa 121 probinsiya, highly urbanized cities, at independent component cities, at 192 o 29% mula sa 669 ibang component cities at municipalities sa ilalim ng Alert Level 1.