Nat'l athletes handa na sa World Combat Sports

ni GA @Sports | October 21, 2023

Nakahanda ng iparada ng Pilipinas ang combat national athletes mula sa apat na combat sports sa bansa sa pangunguna ni 2023 Asian Games jiu-jitsu bronze medalist Kaila Napolis para sa 2023 World Combat Games simula Okt. 21-30 sa Riyadh, Saudi Arabia.

Matagumpay na nakuha ng World No.1 ranked ang tansong medalya sa Hangzhou Asian Games sa women’s under-52 kgs ng higitan si Hessa Alshamsi ng United Arab Emirates sa battle-for-bronze.

Makakasama ng 2023 Southeast Asian Games gold medalist ang mga atleta mula sa Muay Association of the Philippines Inc. na sina World champions Islay Erika Bomogao, Phillip Delarmino, tandems Kylie Mallari at Rhichein Yosorez, Ariel Lee Lampacan at Rudzma Abubakar.

Magpapakitang-gilas din ng mahuhusay na sipa at suntok sina Juvenile Crisostomo, Darius Venerable at Kobe Macario sa Taekwondo-Poomsae event, habang babalibag ng medalya sina wrestlers/grapplers Fierre Afan at Maria Aisa Ratcliff. Sisipa si Rebz Dacquel para sa Kickboxing, at wushu artists Jones Insu, Thornton Sayan, Clemente Tabugara Jr, at SEA Games champion Agatha Wong.

Nakatakdang iparada sa ikatlong edisyon ang 16 na sports na kinabibilangan din ng Olympic sports na Judo, Taekwondo, Wrestling, Fencing at Boxing, habang parte rin sports events ang Aikido, Armwrestling, Jiu-jitsu, Karate, Kendo, Muaythai, Sambo (Russian Wrestling), Savate (French Boxing), Sumo at Wushu.

Idinagdag din sa sports event ang anim na parasports na kinabibilangan ng Aikido, Muaythai, Armwrestling, Jiujitsu, Sambo at Savate.

Nakatakdang sumabak ang mga Filipino athletes Lunes hanggang Huwebes (Oct, 23-26) para sa wrestling, Jiujitsu sa Martes hanggang Huwebes (Oct. 24-26) at Muay Thai at taekwondo sa Oct. 29-Oct.30.Nakatakdang tumayong Chef-de-Mission ng Philippine delegation si Wrestling Association of the Philippines Inc. (WAPi) chief Alvin Aguilar.