Namemerhuwisyo na naman sa bansa ang ASF!

ni Ka Ambo - @Bistado | May 13, 2021

Idineklara ni P-Digong ang State of Calamity sa buong bansa.

Hindi dahil sa COVID-19, bagkus ay dahil sa African Swine Fever!

◘◘◘

KINUMPIRMA na nakapasok na sa Pilipinas ang COVID variant mula sa India.

Binansagan itong “Five-Six virus”.

Para hindi mahawa, huwag magbabayad ng cash “araw-araw”!

◘◘◘

WALA nang 2,000 ang tinatamaan ng COVID araw-araw sa NCR Plus.

Dapat nilang linawin kung ilan dito ang severe at kritikal!

◘◘◘

KAKAUNTI na ang nagpapa-swab test kaya’t kakaunti rin ang nagpopositibo sa COVID-19.

Siyempre!

◘◘◘

NABIBISTO na ang pambobola ni P-Digong sa panahon ng kampanya.

Ito ay nakumpirma, ilang buwan na lang bago matapos ang kanyang termino.

Nadale kayo, noh?

◘◘◘

SINO naman kayang kandidato ay kokopya ng estilong “budul-budol”, ipapangako lahat maiboto lang siya.

Kahit “joke” lang ang plataporma.

Naisahan kayo!

◘◘◘

PAANO kaya kapag nangampanya si Meyor Inday?

Ipangako kaya niya ang relocation site sa planetang Mars at libreng lote sa buwan?

Posible!

◘◘◘

NAGHIHINTAY ng laban si Sen. Manny Pacquiao para sa multi-bilyong pisong kobransa.

Kailangan niya ang pangkarga sa community pantry nationwide!

◘◘◘

NAGLILIPATAN ang batikang artista sa ABS-CBN kahit walang prangkisa.

May inobasyon kasi rito!

◘◘◘

DUMATING na rin ang Pfizer vaccines sa Pilipinas.

Ipabakuna na ‘yan agad!

◘◘◘

MATUMAL ang lahat ng negosyo.

May antidote ba ‘yan?

◘◘◘

NABABANGKAROTE ang ilang bangko.

Sa pre-COVID, kapag na-stagnant ang isang bangko, ipinasasarado ito.

Pero ngayon, kahit bangkarote, patuloy lang ang operasyon!

◘◘◘

TALAMAK na nilalabag ang Labor Code sa panahon ng lockdown.

Kaawa-awa ang mga obrero!