Namatay ang asawa sa aksidente... Lolo nagbigti, dedo

ni Janice Baricuatro @News | August 16, 2026

Patay na nang matagpuan ang isang lolo na nakabigti sa pintuan ng kanilang bahay sa Brgy. Biga 2, Silang, Cavite, kamakalawa ng madaling-araw.

Kinilala ang biktima sa alyas Efren, 70, maintenance worker at residente ng Brgy. Kaybagal South, Tagaytay City. 

Siya ay natagpuan ng kanyang live-in partner na si “Isidra,” 72, alas-4:45 ng madaling-araw. Nabali pa umano ang plastic door jamb na pinagkakabitan ng lubid kaya bumagsak sa posisyong nakaupo ang biktima.

Ayon sa kinakasama nito, nakaranas umano ng depresyon si Efren matapos mabundol ng sasakyan habang sakay ng motorsiklo sa Mater Dei, Tagaytay City. Nakaligtas siya sa aksidente, ngunit namatay ang kanyang asawa dahil sa mga tinamong pinsala, tatlong buwan na ang nakalipas.

Bago ang insidente, narinig din umano siyang nagsasalita na nagpapahiwatig ng balak na magpakamatay.