Nakiisa sa 1986 EDSA People Power, pinuri ni P-Du30

ni Lolet Abania | February 25, 2022

Pinuri ni Pangulong Rodrigo Duterte ngayong Biyernes ang mga nakiisa sa 1986 People Power Revolution na nagpabagsak sa rehimen ni dating Pangulong Ferdinand Marcos at sa mga lumaban sa legasiya nito na aniya, sila ang nagbigay-daan para sa mas maunlad na Pilipinas.

Ito ang inilabas na mensahe ni Pangulong Duterte sa pagdiriwang ng ika-36 anibersaryo ng tinatawag na bloodless mass action na nagpatalsik sa dating pangulo at kanyang pamilya, at pagpapatapon sa kanila sa Amerika.

“As we honor the courage and solidarity of those who came before us and fought to uphold our democracy, let us also honor and thank those who continue to keep the legacy of this largely peaceful and non-violent revolution,” pahayag ni Pangulong Duterte.

“This celebration serves as a strong reminder that with unity, cooperation and faith, there is nothing we can collectively achieve for the greater good of our country,” dagdag ng Punong Ehekutibo.

Si Soling, na ina ni Pangulong Duterte, ay minsan na ring naging isa sa mga leaders ng grupo na sumasalungat sa Marcos dictatorship.

“Let us emulate their heroism, selflessness and compassion as we strive to recover from present challenges and march forward to better Philippines for all,” sabi ng Pangulo.

“Mabuhay ang lahing Pilipino,” ani pa ni Pangulong Duterte.