Nakaabang sa Casimero vs. Inoue, itataya ni Alalshikh
- BULGAR
- Jun 26
- 2 min read
by Gerard Arce @Sports News | June 26, 2026
Photo: File
Palaisipan sa nakararami ang maaaring sunod na laban ni dating three-division world champion John Riel “Quadro Alas” Casimero na tila naihahanay muli kay undefeated at undisputed super-bantamweight titlist Naoya “The Monster” Inoue ng Japan kasunod ng impresibong 4th round victory kontra Mexican Luis “Pantera” Nery nitong Hunyo sa Tokoname, Japan.
Sa post ng Ring Magazine, nagpahiwatig ang boxing promotions at sports magazine ng isang malaking susunod na laban ng 37-anyos mula Ormoc City, Leyte. Marami agad ang nagsabing magaganap na ang nabinbin na laban noong Abril 2020, dulot ng COVID-19 pandemic sa pagitan nina Casimero (36-5-1, 25KOs) at Inoue (33-0, 27KOs), na hawak ang lahat ng korona sa junior-featherweight division kasama ang Ring Magazine belt, International Boxing Federation (IBF), World Boxing Association (WBA), World Boxing
Council (WBC), at World Boxing Organization (WBO).
“Fight news imminent. John Riel Casimero has teased a "big announcement" on his social media, ayon sa repost ng Ring Magazine sa social media ni Casimero na “Quadro Alas it’s my boy” page.
Idinurugtong din ang laban kay Saudi Royal Advisor Turki Alalshikh, na chairman din ng General Entertainment Authority ng Saudi Arabia, na nagsisilbing tagatulak ng pagbabago sa pagiging global hub pagdating sa sports sa naturang bansa.
Ito rin ang nagmamay-ari ng Ring Magazine publication, habang nakipagsanib-puwersa sa Zuffa Boxing at UFC ni Dana White, gayundin ang partnership sa mga promoter ng Top Rank, Golden Boy at Matchroom Boxing Promotions.
Minsan nang nakapaglatag ng laban ang GEA ni Alalshikh sa Saudi Arabia sa laban sa pagitan nina Terence Crawford at Canelo Alvarez, gayundin ang heavyweight fights nina Oleksandr Usyk, Tyson Fury at Anthony Joshua na ipinalabas sa Netflix. (Gerard Arce)
I found the clarity with which the various aspects are treated useful. The author demonstrates a good knowledge of the subject. I found this content through a search and it turned out to be very relevant. It is a text that provides a clear and well-organised view of the topic.
I really appreciated the way the author organised the information. Many of the points covered made me think about the topic in a new way. I reread the text a second time to better absorb the information. It is rare to find content so well structured on this topic.