Asian Games: Olympians Paalam at Petecio, umusad pareho sa quarterfinals

by Gerard Arce @Sports News | September 26, 2026

Photo: Ang maaksiyong pakikipagbakbakan nina Paalam (men's) at Petecio (women's) upang makapasok sa quarterfinals ng Asian Games boxing. (pocmedia)

Kapwa tagumpay ang dalawang nalalabing Olympian medalists na sina Carlo Paalam at Nesthy Petecio na sumuntok ng magkahiwalay na tagumpay ngayong Sabado upang umusad sa quarterfinals ng 20th Asian Games Aichi-Nagoya 2026 boxing event na ginanap sa Nishio Gymnasium sa Aichi, Japan.

Walang planong huminto para sa inaasam na gintong medalya ang kapwa silver medalists sa 2020+1 Tokyo Olympics matapos parehong lampasan at dispatyahin ang kanilang mga katunggali sa round of 16 boxing events, kasunod ng pagkakatalsik ni 2024 Paris Olympics bronze medalist Aira Villegas sa women’s 51kgs, beteranong si Riza Pasuit sa women’s 54kgs division, at Norlan Petecio sa men’s 70kgs.

Naunang natakasam ng 2018 Jakarta Asiad bronze medalist na si Paalam si Commonwealth Games silver medalist Jadumani Mandengbam ng India sa bisa ng 3-0 split decision sa men’s 55kgs division, matapos masilip nina Ben Mcgarrigle ng Ireland at Osama Hanafy ng Egypt na tabla ang laro, habang pumabor naman ang tatlong nalalabing hurado na sina Maruf Urdushev ng Uzbekistan, Mohammad Mustafa Alkasbeh ng Jordan at Sarra Bouhlel ng Tunisia kay Paalam.

• 

"Mahusay din ang Indian, kapag bago gusto nila matalo ang may pangalan na. Nakisabay na lang ako sa kanya sa huling round," pahayag ni Paalam sa POC Media, na bagaman matagal na nabakante sa bakbakan ay mas malugod na tinatanggap ang kanyang kasalukuyang pangangatawan.

"Sobrang ganda po yung laban namin. Tsaka nag-adjust din po talaga ako sa taas ng ring kanina po kasi yun nga, first time ko lumaban ngayon,” dagdag ng 28-anyos mula talakag, Bukidnon na tila naihantulad ang ginagawa ng nag-iisang eight division world champion Manny “Pacman” Pacquiao sa ibabaw ng ring.

Hindi naman kinailangan tapusin ng 2019 World champion at two-time Olympic medalist na si Petecio ang laban kontra Mays Alreem Abukhadijah ng Jordan nang mapagdesisyunan ni referee Rukman Wekadapola ng Sri Lanka na tapusin ang laban kasunod ng dalawang standing eight count mula sa mabigat na hooks ni Petecio.

Parehong masisilayan sa Lunes, Setyembre 28, sina Paalam at Petecio sa quarterfinals, habang pasok na rin si Junmilardo Ogayre sa men’s 60kgs category final eight, para sa six-man team ng national pugs na susubukang tuldukan ang 16-taong pagkagutom sa ginto sa Asiad quadrennial meet na huling kinuha ni Rey Saludar sa 2010 Guangzhou Games.

Eumir pinatumba si Huerta, babalik sa Pinas para paghandaan ang 6th AIMAG sa Disyembre sa Saudi Arabia

by Gerard Arce @Sports News | September 20, 2026

Photo: Lagapak sa lona si Omar Huerta nang pabagsakin sa 3rd round knockout ni Felix Eumir Marcial sa kanilang middleweight fight sa California.

Hindi na tutuloy na sumabak para sa Philippine national boxing team si Eumir Felix Marcial para katawanin ang bansa sa 20th Asian Games kahit man nagwagi ito ng third-round knockout kontra Ulises Huerta sa isang eight-round middleweight non-title match sa Pechanga Arena sa San Diego, California.

Kinumpirma ni 1996 Olympian boxer at 1994 Asian Games gold medalist Reynaldo Galido sa BULGAR SPORTS na hindi na sasabak si Marcial sa kanyang kategorya sa quadrennial meet dahil alanganin at gahol na sila sa oras at adjustments.

“Hindi na kami tutuloy. Alanganin na, “ pahayag ni Galido, na sinabing paghahandaan na lang nila ang paglahok sa 6th Asian Indoor and Martial Arts Games sa Disyembre 11-21 sa Saudi Arabia.

“Baka balik muna kami nang pPlipinas tapos prepare sa AIMAG sa December,” paglalahad ni Galifo, na sinabing nasunod ang kanilang mga plano kontra Huerta.

Tanging ang five-time Southeast Asian Games ang nakakuha ng medalya para sa Pilipinas sa 2022 Hangzhou Asian meet sa silver medal, para sa kanyang ikalawang sabak sa quadrennial multi-sport event, matapos ang tansong medalya sa 2018 Jakarta-Palembang edisyon.

Suganob, wagi sa IBF title eliminator, African pinabagsak

by Gerard Arce @Sports News | September 13, 2026

Photo: Kinailangang bigyan ng oxygen ang South African matapos na pabagsakin sa 5th round ni Pinoy Regie Suganob. Andisiwe Alex Ralane

Matamis na paghihiganti ang sinuntok ni Pinoy boxer Regie “Filipino Phenom” Suganob na pinasubsob sa fifth round knockout si dating world champion Sivenathi “The Special One” Nontshinga sa kanilang rematch sa main event ng “Kumong Bol-Anon 26” para sa International Boxing Federation (IBF) light-flyweight title eliminator, Sabado ng gabi sa Bohol Wisdom School sa Tagbilaran City, Bohol.

Makalipas ang mahigit tatlong taon, muling nakaharap ng 29-anyos na tubong Dauis, Bohol ang South African boxer na tumalo sa kanya noong Hulyo 2, 2023 sa bisa ng 12-round unanimous decision na ginanap sa International Convention Centre sa East London, South Africa.

Subalit sa pagkakataong ito, siniguro ng hometown bet na hindi siya uuwing luhaan na nakasisiguro ng isang world title shot sa mananalo kina reigning titlists Thanongsak Simsri ng Thailand, na idedepensa ang korona kay Filipino challenger Mark Vicelles sa Setyembre 26 sa Fujisan Messe sa Fuji, Japan.

Nakamit ni Suganob ang kanyang ika-19 na panalo kasama ang walong panalo mula sa knockouts para pahabain ang tagumpay sa anim na sunod, habang bumagsak naman sa 14-3 (win-loss) rekord si Nontshinga kasama ang 11 KOs, na nalasap ang ikatlong pagkatalo sa knockout matapos unang pabagsakin nina Adrian Curiel at Masamichi Yabuki.