Nagsalita na sa hiwalayan nila... DOMINIC: TIGILAN N'YO NA KAMI NI BEA!

ni Rensel Sabando - Trainee @Entertainment | February 8, 2024

Nagsalita na si Dominic Roque ilang araw matapos makumpirma sa show ni Boy Abunda ang kanilang paghihiwalay.

Sa kanyang Facebook post ngayong Huwebes lang ng umaga, February 8, 2024, hiniling ng aktor na itigil na ang mga negatibong komento patungkol sa kanilang split-up ng ex-fiancee na si Bea Alonzo.

Diin ng aktor sa kanyang caption “Bea’s a beautiful person inside and out…, no hate/bashing/ negative things please…”

Umani ito ng maraming likes at mga comments ng pagsuporta sa desisyong nangyari sa kanilang dalawa.

Kasama ng caption ay ang mga collective videos nila na magkasama abroad ni Bea nu'ng binati niya ito ng kaarawan noong October 21, 2023.

Last Tuesday nang kumpirmahin ni Boy Abunda ang paghihiwalay ng dalawa at hindi na matutuloy ang kasal na inaabangan ng mga fans dahil na rin sa samu’t saring mga problema na kanilang pinagdaraanan.

Ngayon, patuloy pa ring pinag-uusapan ang issue nilang dalawa sa social media, pero kagaya ng hiling ni Dominic, no hate and bashing na raw sana.