Nagka-COVID… ANGEL SA DDS BLOGGER NA TODO-BANAT SA KANYA: PAGALING KA!

ni Nitz Miralles - @Bida | August 20, 2020

Pinuri ng mga netizens si Angel Locsin dahil nang i-announce ng DDS blogger na si Banat By na Covid-19 positive siya, walang negative reaction si Angel gayung suki siyang banatan nito. Sa halip, nag-wish pa si Angel na gumaling si Banat By.

Sabi ni Angel, "I’ve been receiving messages about a vlogger who’s been habitually criticizing me and is now positive of COVID. Let’s not wish ill of him. Nobody deserves COVID. Hope you get well soon.”

Comment ng mga netizens, napakabait ni Angel, napakabuti ng puso niya at may mga very proud naman na idolo nila si Angel dahil nga sa reaction nito sa pagkakasakit ng Covid-19 ng blogger na lagi siyang pinupuna at kini-criticize.

In fairness kay Banat By, nagpasalamat kay Angel at nagpakilala na siya ang bumabanat sa aktres. Humingi ng ceasefire si Banat By sa mga bashers niya habang siya’y may sakit.