Nagka-COVID ang PSG, wa’ epek ang smuggled Sinovac?!

ni Ka Ambo - @Bistado | April 09, 2021

Lumipad tungong Singapore si Mayor Inday.

Eh, bakit?

◘◘◘

NILINAW ni Sen. Bong Go na malusog si P-Digong.

Eh, nasaan siya?

◘◘◘

TINAMAAN ng COVID ang PSG.

Huh, hindi tumalab ang smuggled Sinovac?

◘◘◘

TULOY ang deadline ng tax payment next week.

Ano ang babayaran mo kung sarado ang negosyo at walang trabaho?

◘◘◘

NILINAW ng U.S. na ireresbak nila ang Taiwan at Pilipinas sakaling magkaputukan sa West Philippine Sea.

‘Yan ang pabalita, hindi malinaw kung tototohanin.

Kailangan magkaputukan muna!

◘◘◘

PINALIPAD na rin ng Japan ang kanilang jet fighters kontra sa pambubuwisit ng China.

‘Yan ay aktuwal na babala sa digmaan!

◘◘◘

KAPAG hindi nagpakita sa publiko si P-Digong sa loob ng isang linggo, lalong babagsak ang ekonomiya.

Pagdududahan ang katatagan ng ating bansa!

◘◘◘

MATAGAL nang hindi nagpapakita sa publiko si DILG Secretary Eduardo Año.

Dapat siyang magkusang magbitiw, parang awa na niya sa Republika!

◘◘◘

KUNG totoong sundalo si Sec. Año, dapat nauunawaan niya ang esensiya ng public service.

Kapos siya sa oryentasyon bilang public servant!

◘◘◘

KAILANGAN ni P-Digong ay aktibong hepe ng DILG.

Bakit ayaw magtalaga ng bihasa sa local government at umiwas nang magtalaga ng mga heneral?

◘◘◘

KAILANGAN ng bayan ay puso, malasakit at pang-unawa.

Hindi maibibigay yan ng mga dating heneral na ang oryentasyon ay “bala at bota”!