top of page
TALKIES - KARA- OKAY LANG NA ‘DI MAGALING MAG-ENGLISH SI MARIAN_IG _marianrivera & _karada

Nagdya-jogging natumbok ng e-bike, patay

Writer: BULGAR
BULGAR
44 minutes ago
1 min read

by Janice Baricuatro @News | November 18, 2026



PNP Tanza Municipal Police Station - FB

Photo: File / PNP Tanza Municipal Police Station - FB



Patay ang isang 57-anyos na lalaki matapos mabangga ng e-bike habang nagdya-jogging sa Camella-Tres Cruces Road, Brgy. Tres Cruces, Tanza, Cavite, kamakalawa ng hapon.


Kinilala ang biktima na si Arnold Pontigon Mosquida, residente ng nasabing barangay. Batay sa imbestigasyon, patungo sa All Homes ang e-bike nang mahagip nito ang biktimang nagdya-jogging sa naturang kalsada alas-4 ng hapon.


Depensa ng driver na si "Celrick," 33, nasilaw umano siya sa sikat ng araw kaya hindi niya napansin ang jogger.


Sa lakas ng impact, tumama ang ulo ng biktima sa sementadong kalsada. Isinugod ito sa ospital ngunit binawian din ng buhay alas-5 ng hapon habang ginagamot.


Agad namang inaresto ang driver at dinala sa kustodiya ng Tanza Municipal Police Station para sa kasong reckless imprudence resulting in homicide. 

Comments


Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page