Nag-celebrate ng birthday ng BF… RUFFA, IDINISPLEY SA TIKTOK NA HAPPY SILA NI BISTEK
- BULGAR
- 2 hours ago
- 3 min read
ni Nitz Miralles @Bida | May 15, 2025
Photo: Herbert at Ruffa - TikTok
Birthday ni Herbert Bautista noong May 12, at kahit late na ang birthday greetings sa kanya ng girlfriend na si Ruffa Gutierrez, masaya pa rin si Herbert. Kita naman sa TikTok na ipinost ni Ruffa na naganap sa past events na magkasama silang dalawa.
Sabi ni Ruffa, “One day late but the most unforgettable moments don’t make it to social media. Happy birthday, HERBERT CONSTANTINE MACLANG BAUTISTA.”
Majority sa comment ay masaya para kina Herbert at Ruffa at maganda ang comment ng isang netizen na, “It’s not too late to be happy.”
Marami ang nag-agree rito, kaya ‘yung mga bashers na ginawang issue ang difference ng height ng couple, ang mga netizens na ang umaway sa kanila.
May nag-comment pala ng “What happened to her ex-hubby, I thought he was proposing again, lol (laugh out loud).”
Sagot ni Ruffa, “You said it yourself po... ex. We are good.”
Samantala, curious ang mga netizens sa reaction ng ex ni Ruffa na si Yilmaz Bektas nang makita ang TikTok post ng aktres na masaya kasama si Herbert.
Anyway, muling mapapanood si Ruffa sa GMA-7 dahil kasama siya sa cast ng new series na Beauty Empire (BE). Great comeback ito ng aktres sa network at nabanggit pa nga na 14 years ago pa ang last project niya sa GMA-7.
Sen. Bong, talong senador…
LANI, WAGING CONG., MGA ANAK, PANALO RIN
Hindi man pinalad si Senator Bong Revilla na ipagpatuloy ang trabaho niya sa Senado, maganda naman ang ibinalita ng wife nitong si Lani Mercado-Revilla.
Ipinost nito sa Facebook (FB) ang photos sa kanyang proklamasyon bilang representative sa second district ng Cavite.
Pahayag niya, “Muli ay ibinigay ng mga Bacooreño ang inyong tiwala kay Ate Lani upang manilbihan bilang representative sa ikalawang distrito ng Cavite.
“Sa aking proklamasyon ngayong araw, nag-uumapaw ang aking puso sa pasasalamat at makakaasa kayong patuloy kong isasapuso ang tungkuling ito bilang inyong mambabatas at bilang Nanay ng Bacooreño.
“Sama-sama, tulung-tulong po tayong muli para sa ikauunlad ng ating pamilya, komunidad, at ng mahal nating lungsod. Maraming salamat po at karangalan kong muling maglingkod sa inyo!”
Sa proklamasyon kay Lani, kasama niya ang mga anak na sina Jolo at Ram Revilla na pare-parehong nanalo sa tinakbuhang posisyon sa Cavite. Naalala naming nabanggit ni Bong na unopposed sa pagtakbo sa kani-kanilang posisyon ang asawa at mga anak at tama siya.
SA Sunday na, May 17, 3:15 PM, sa GMA-7 ang airing ng action-packed docu series na Philippine Defenders (PD), hosted by Matteo Guidicelli.
Si Matteo mismo ang gumawa ng stunts sa docu series bilang isa siyang Philippine Army reservist. May ranggo nga siyang 2LT o second lieutenant, kaya bagay sa kanya ang docu series.
Isa sa mga ipinakita sa trailer ang skydiving na kanyang ginawa at dahil ginawa na sa training niya bilang PA reservist, natural na lang sa kanya ang tumalon mula sa army helicopter.
Mapapanood din sa docu ang pagbisita ni Matteo sa Bulacan para sa isang Balikatan ceremony.
Aniya, “Honored to have joined the Balikatan ceremony a few days ago in Bulacan. This is a joint effort with our partners from the US, Japan, and Australia. It is a powerful reminder of what we can achieve when we come together, not just allies, but as one global community.
Through this partnership, we were able to build new classrooms and invest in what truly matters! Education, community, and the future of the Filipino youth. Balikatan is more than just a military exercise. It’s about building bridges and great relationships! Let’s continue to strengthen these relationships, empower our communities, and work hand-in-hand for a better, brighter tomorrow. We are all defenders of the Philippines. Let’s carry the responsibility with pride.”