Nabuking ng fan… JUSTIN BIEBER, PINA-FOLLOW SI ANDREA SA IG

ni Nitz Miralles @Bida | May 11, 2025

Photo: Justin Bieber at Andrea Brillantes - IG

May ingay na naman ang pangalan ni Andrea Brillantes na in fairness, hindi siya ang may gawa kundi si Justin Bieber na pina-follow ang Kapamilya actress sa Instagram (IG).

Isang netizen ang nakadiskubre na pina-follow ni Justin Bieber si Andrea at kung bibisitahin ang IG ng Canadian singer, makikita ngang pina-follow nito ang aktres.

Wala pang reaction si Andrea sa balitang ito, wala pa yatang nagparating sa kanya at wala pang nakakapag-interview sa kanya. Wait natin ang magiging reaksiyon nito sa balitang follower na niya sa IG si Justin Bieber.

---

Aktor, tinawag na papansin… BINI FANS, GALIT NA GALIT KAY PAULO, KIM DAMAY

Pati si Kim Chiu ay idinadamay ng mga fans ng BINI sa galit nila kay Paulo Avelino dahil ipinost ng aktor ang meme ng BINI statement kung saan, nag-sorry ang grupo dahil sa nag-viral nilang video na marami ang nag-react at hindi nagustuhan ito.

Ipinost nga ni Paulo ang meme ng apology ng BINI at pinalitan ang statement ng announcement ng release ng GTA 6 o Grand Theft Audio VI. Isa raw itong video game at gaya sa ibang gamer, matagal hinihintay ni Paulo ang release nito.

Kaya lang, ginamit nito ang isyu ng BINI, kaya nagalit sa kanya ang Blooms (tawag sa fans ng BINI). Tinawag na clout chaser si Paulo at inakusahang ginamit ang concert ng BINI sa Philippine Arena para i-promote ang movie nila ni Kim Chiu na My Love Will Make You Disappear (MLWMYD). Sayang daw ang time na in-allot sa kanila to promote the movie.

Nadamay na rin si Kim sa galit ng Blooms kay Paulo. May nanawagan kay Kim na pagsabihan ang ka-love team sa pagiging insensitive raw nito. May nag-comment pa ng “Dyowa mo, nagkalat,” at sawayin daw niya.

In fairness, may mga nagtanggol kay Paulo. Para raw sa game ang post nito at hindi patungkol sa BINI. Pinapa-light lang daw nito ang sitwasyon dahil mainit nga at may mga nang-bash sa BINI. 

For sure, nakarating na kay Paulo Avelino ang galit ng Blooms sa kanya at pati na kay Kim.

---

HINDI lang si Willie Revillame ang iboboto ni John Estrada sa midterm elections bukas, pati si Kiko Pangilinan. Ipinost kasi nito ang video ni Kiko na inilatag ang mga rason kung bakit siya muling tumakbong senador pati na ang plataporma niya.

Pero, ang post ni John kung saan sinabi ang mga rason sa pagboto niya kay Willie ang umani ng maraming reaksiyon. 

Basahin n’yo muna ang post ni John bago kayo mag-react.

Aniya, “Mga kababayan, iboboto ko itong tao na ito, hindi dahil kaibigan ko s’ya at mahal ko itong tao na ‘to kundi dahil alam ko kung gaano n’ya kayo KAMAHAL, lalo na ang MAHIHIRAP. Napatunayan na ng isang WILLIE REVILLAME na kung may sakuna na nangyayari sa bansa, million-million ang inilalabas n’ya sa sarili niyang BULSA NA PINAGHIRAPAN N’YA, DUGO’T PAWIS N’YA. MAY GININTUANG PUSO ANG ISANG WILLIE REVILLAME, NAPAKASIMPLE AT WALANG BISYO AT NAPAKABAIT NA TAO.

“Ang daming nagsasabi, wala siyang alam, ang pagkakakilala ko sa isang WILLIE REVILLAME AY MATALINO AT SOBRANG MADISKARTE SA BUHAY. ‘Di po yayaman ‘yan ng ganu’n kung walang alam ‘yan, WALANG ALAM ‘YAN SA PANGUNGURAKOT, TOTOO PO ‘YAN, AT UBUSIN ANG KABAN NG BAYAN, TOTOO PO ‘YAN, ‘DI NA KAILANGAN NI WILLIE ‘YAN, MAYAMAN NA SI WILLIE.

“Ako personally, ang dami ko nang ibinoto na matatalino at overqualified pero may pagbabago ba sa buhay natin lalo na sa buhay ng mahihirap? WALA, LUMALA PA...

“Kaya ako, iboboto ko ngayon ay ‘yung ALAM KONG MAY MALASAKIT SA KAPWA LALO NA SA MAHIHIRAP, MAGANDA ANG HANGARIN SA KAPWA LALO NA SA MAHIHIRAP, AT TUTULUNGAN ANG KAPWA LALO NA ANG MAHIHIRAP AT SI WILLIE REVILLAME ‘YON.”

May mga reaksiyon sa post na ito ni John na hindi lang ang kabaitan ang kailangan sa Senado. Alam daw nilang mabait si Willie at matulungin, pero kailangan, may alam din sa paggawa ng batas ang uupo sa Senado.

Pati ang pagiging mainitin ng ulo ni Willie ay pinuna rin ng ibang mga netizens dahil napapanood daw nila kung paano ito magalit sa kanyang staff kapag nagkamali. 

Siguro naman, kapag naging senador na si Willie, aalisin na niya ang pagiging mabilis magalit at susundin ang payo ng nagmamahal sa kanya na bigyan ng lunas ang ibinabatong may anger management issue siya.

Hindi pala makapag-react ang mga netizens sa post na ito ni John dahil nananatiling naka-off ang comment box ng kanyang Instagram (IG).