Na-trauma nang kumalat ang sex video… RON, AYAW NANG PUMUNTA SA MGA CONDO AT IBA PANG BAHAY

ni Reggee Bonoan @Sheet Matters | May 11, 2026

Photo: IG _rnmrtangls

Walang trauma ang modelong aktor na si Ron Angeles sa mga babaeng may tattoo na nagpakalat ng kanilang sex videos kundi sa mga personal invitations na natatanggap niya.

Inamin ni Ron na may tattoo ang babaeng nakasama niya, pero hindi naman niya isinarado ang isipan kapag may mga nakakausap o nakikilala na may tattoo.

Ang trauma ng aktor ay “‘Yung pupunta ako sa isang lugar na ‘di ko alam na in-invite ako ng babae o lalaki na kaibigan. ‘Yun ang rule ko ngayon, ayaw kong pumunta sa mga condo, ibang bahay, kahit saang lugar na alam kong ‘di ako safe. If you want to see me personal, sa bahay ko or sa public.”

Natawa nang husto si Ron nang biruin siyang mas dumami ang nagparamdam sa kanya ngayon dahil sa sex video niya.

Sagot niya, “Meron po.”

Isa si Ron sa mga supporters ng White Party Manila: Reignite na inorganisa ng kanyang manager na si Bryan Dy na gaganapin sa World Trade Center Metro Manila sa Hunyo 27 sa ganap na alas-otso ng gabi.

Kaya sa ginanap na grand media launch ng White Party Manila: Reignite sa Bigger Pictures, Sheridan Street, Mandaluyong City ay present si Ron bilang pagtanaw din sa suportang ibinigay sa kanya ng LGBTQIA+ community nang pumutok ang sex video niya.

“‘Yung support na nakuha ko from the community ay mas maraming good, mas maraming better po kaysa sa mga bad comments na nababasa ko at puro trolls naman ‘yun, eh, puro mga dummy accounts. Kaya rin ako nandito sa White Party is to show my support for the whole community, the LGBTQIA+, the allies s’yempre, kasi since nu’ng nag-start ako sa showbiz ay sila na ‘yung nand’yan for me, like 80% of my fan base are from the community.

“And ‘tong party na ‘to ay marami silang kailangang i-celebrate. So, ako, nandito to support them especially Mentorque sa event na ginawa nilang ito. At lagi kong sinasabi sa community na mahal na mahal ko sila. Kung ‘di dahil sa kanila, siguro, ‘di ako tatagal sa industriya,” pahayag ni Ron.

Napansin namin na dahil sa sex video na nag-trending si Ron kasama ang iba pang kilalang lalaking personalidad ay mas dumami ang projects at offers niya, bagay na inamin din niya kaya may naidulot ding maganda in terms of work dahil kaliwa’t kanan ang tapings at shootings niya ngayon.

Natanong kung nagbayad sila sa mga nanghingi para hindi ipakalat ang sex video.

“‘Di po. Alam ko ranges to P50,000 or P40,000. Ang management ko po ang humarap at alam ko, may kaso na,” sambit ni Ron.

---

Si Brent ang ka-love team…

MIKA, ‘DI RAW PINADALO SA MEDIACON PARA ‘DI MATANONG SA RELASYON KAY WILL

May shooting pala si Mika Salamanca kaya hindi siya nakadalo sa nakaraang mid-season mediacon ng The Secrets of Hotel 88 (TSOH88), kuwento ng manager niyang si Tita Becky Aguila.

May sitsit kasing hindi pinadalo si Mika para maiwasang tanungin ang relasyon nila ni Will Ashley na kasama rin sa programang napapanood sa GMA Prime, Kapamilya Online Live, Kapuso Stream, at sa GTV tuwing 11:25 PM dahil ang ka-love team ng dalaga ay si Brent Manalo na kapwa niya Big Winner sa Pinoy Big Brother Celebrity Collab Edition (PBBCCE) 2025.

Bukod dito, baka matabunan ang TSOH88 na collab ng ABS-CBN at GMA Network sa dami ng issues nina Will at Mika na may pa-hard launch pa sa ibang bansa, kung saan silang dalawa lang ang nag-travel nitong huli at hindi na rin naman nila itinatago na madalas silang magkasama ngayon.

Going back to TSOH88, inamin ng buong cast na marami pang magaganap sa programa na kailangang abangan ng mga nakasubaybay dahil big reveal daw ito.

“Parang may eviction na mangyayari. Aabangan kung ilan ang matatanggal at kung paano s’ya mangyayari,” pahayag ni Brent Manalo.

Pero sabi pa ay kumplikado ang paghahanap ng hustisya ng dalawang pamilya dahil sa patuloy na pagsabog ng mga sikreto ng nakaraan at banta sa kani-kanilang buhay na nasilayan ng manonood. 

Nagiging madilim at puno ng suspense ang takbo ng kuwento habang nagpapatuloy ang imbestigasyon ng dalawang pamilya sa Hotel 88.

Sa kanilang paghahanap ng kasagutan, mas maraming lihim ang nabubunyag habang nananatiling hindi nalulutas ang mga hindi maipaliwanag na pagkamatay ng ilang guests. Habang palapit na sila sa inaasam na hustisya, mas nagiging delikado ang mga pangyayari at maaaring buhay nila ang kapalit.

Sa ginanap na media conference, nagbigay-pasilip ang cast tungkol sa dapat abangan sa serye, kabilang na ang posibilidad ng pagkawala ng ilang karakter.

Ibinahagi rin ng cast na excited na sila sa mangyayari matapos mapanood ang trailer at tingin nila ay hindi nasayang ang kanilang pinagdaanan at pinaghirapan. Ayon sa kanila, maliit pa lamang na bahagi ang ipinakita ng trailer kumpara sa mga susunod na mangyayari.

Habang patuloy na tumitindi ang tensiyon at nababasag ang tiwala ng bawat isa, hanggang saan nga ba nila kayang lumaban para sa katotohanan?