My Jopay, aarangkada sa Condition Race SLLP

ni Green Lantern - @Renda at Latigo | August 12, 2022

Masusubukan ang husay ni My Jopay pag-arangkada nito sa Condition Race 17 ngayong araw sa San Lazaro Leisure Park sa Carmona, Cavite.

Rerendahan ni AS Pare, haharapin ni My Jopay ang 7 tigasing kabayo sa distansiyang 1,400 meter race.

Makakatagisan ng bilis ni My Jopay sina Eazacky, Doktora, Calle Loreto, Kiss Muna, Moment Of Truth, Stayinthemoment at O Sole Mio sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

Komento ng mga karerista, inaasahang mapapalaban si My Jopay kay Doktora na rerendahan ni former Philippine Sportswriters Association, (PSA) Jockey of the Year awardee Jonathan Basco Hernandez. "Magagaling ang mga kalaban ni My Jopay kaya mapapalaban siya diyan, baka hindi pa siya maging liyamado o dikit-dikit lang ang bentahan," saad ni Juancho Villahermosa, veteran karerista.

Samantala, masisilayan ang walong mahuhusay na kabayo sa 4-Year-Old & Above Sprint Race na ilalarga sa Sta. Ana Park sa Naic, Cavite sa darating na Linggo.

Ang mga nagdeklara ng pagsali ay sina Mommy Caring, King Tiger, Asiong, Beli Bell, Electric Truth, Flattering You, Stardust at Weather Lang.

Nakalaan ang P1.5M guaranteed prize na ikakalat sa unang anim na kabayong tatawid sa meta kung saan hahamigin ng mananalong kabayo ang P900,000 na premyo.

Masisikwat ng segundo ang P300,000, mapupunta sa third ang P150,000 habang mag-uuwi ng tig- P75,000, PP45,000 at P30,000 ang fourth, fifth at sixth placers ayon sa pagkakahilera.

Tatanggap din ng cash prize ang breeder ng winning horse.

Mga Pili ni Green Lantern:

Race 1 - Excavator (11), Achi Holly (8), Chi nita/Boom Boom Thailer (2/2A)

Race 2 - Main Event (5), Platinum Bell (6), Joyous Solution (8)

Race 3 - Raxa Bago (1), Bordelle (2), Honey Ryder (3)

Race 4 - Baby Boss (3), Grey Area (9), Trust Worthy/Solution (5/5A)

Race 5 - My Jopay (8), Doktora (6), Eazacky (4)

Race 6 - Superformer (8), Joel Purama (2), Iikot Lang (3)

Race 7 - Greatest Joy (9), Lucky Julliane (1), National Treasure (4)