Mula sa dating P50K… CACAI, NAGSALITA NA KUNG BAKIT UMABOT SA P94 K ANG MERALCO BILL

ni Mercy Lejarde @Talkies | June 28, 2026

Photo: Julie Anne San Jose - Rayver Cruz - IG

Nilinaw ni Cacai Mitra, kapatid ng actress-singer na si Regine Velasquez-Alcasid, na hindi siya galit sa Meralco.

Sa kanyang social media post, ipinaliwanag ni Cacai ang kanyang saloobin kaugnay ng kanyang nag-viral na post tungkol sa umabot sa P94,355 na bill nila sa kuryente.

Ayon kay Cacai, “Just to make it clear, HINDI naman po ako galit sa Meralco. Naiintindihan ko na may energy crisis. Nag-post po ako para mag-vent at ‘di ko naman akalain na magba-viral. Gaya ng sinabi ko, nagulat lang ako since ang previous billings namin since last year, consistently between P50,000 hanggang P60,000 until March this year. Then April tumaas ng P71,000, noong May ay naging mahigit P90,000, then June ay umabot na sa P94,355. Again, I know maraming factors sa pagtaas.

“Yes, totoo pong nakipag-ugnayan na ang Meralco sa amin, at tama naman po ang sinabi nila na within our usual consumption po ang reading. Engineer Eric also explained na kung alin lamang ang actual na singil ng Meralco (red line). Malaking bahagi talaga ng charges ay sa generation, transmission, system loss at other passed-on charges gaya ng taxes. Actually, mas kinu-question ko ‘yung system loss at taxes than the distribution charges ng Meralco. Sana wala na ‘yung VAT and other charges na passed-on sa consumers.

“Also requested na ibaba ‘yung metro namin kasi po nasa more than 3 meters po ang taas, kaya ‘di rin madali i-monitor. Accommodating naman po sila sa request.

“And yes, for those saying mag-solar, matagal na po namin kino-consider. May mga quotes na rin po kami from different companies. But need pa pong ma-check nang tama kung kakayanin ‘yung weight dahil marami-raming panels ang kakailanganin para ma-cover ang at least 70% consumption. Gusto ko rin mag-aircon ng 24/7, ‘no!”

Well, at least ay nagkaunawaan na ang pamunuan ng Meralco at si Cacai tungkol sa isyu ng kanyang electric bill.

---

NAGPAHAYAG ng pasasalamat ang aktres na si Sylvia Sanchez sa mga bumubuo ng EDDYS (Entertainment Editors’ Choice) matapos kilalanin ang pelikulang

I’mPerfect bilang nominado sa 9th EDDYS.

Sa kanyang social media post, ibinahagi ni Sylvia ang larawan ng mga nominado, kung saan kabilang si Krystel Go para sa Best Actress category dahil sa kanyang pagganap sa I’mPerfect.

Ayon kay Sylvia, nagsimula ang pelikula bilang isang simpleng pangarap—ang mabigyan ng pagkakataon ang mga taong may Down syndrome na maipakita ang kanilang talento at kakayahan sa mas maraming tao.

Saad ni Sylvia sa kanyang post, “I’mPerfect began with a simple dream. We made it to give persons with Down syndrome the chance they have always deserved—to be seen, to be heard, and to show the world what they can truly do.

“When the film was nominated and awarded at MMFF 2025, it was already beyond anything we imagined. But one thing we never doubted was them. We believed in them from the very beginning, and they proved everyone right.

"They made history in December 2025. And today, they continue to make history.

"Thank you, EDDYS Entertainment Editors’ Choice, for embracing our story, and most especially for recognizing Krystel Go with a Best Actress nomination. Seeing her come this far is already a beautiful victory for all of us.

“I’mPerfect did more than tell a story. It opened doors, broke barriers, and gave hope not just to our cast, but to the entire Down syndrome community.

“And this is only the beginning. The best is yet to come. Congratulations, I’mPerfect Family! All the glory goes to you, LORD."

Amen to that, Sylvia. Super well-deserved ang lahat ng pagkilalang natatanggap ng

I’mPerfect. Isang malaking congratulations sa inyo!

‘Yun lang, and I thank you.

---

Nagpahayag ng pasasalamat ang aktor na si Jericho Rosales sa lahat ng nag-alala para sa kanyang nakababatang kapatid na si Jeremiah Rosales. 

Sa kanyang social media post, nilinaw niyang hindi nawawala si Jeremiah at kasalukuyang ligtas na kasama ang kanilang pamilya sa probinsiya.

Ani Jericho, “Hello everyone. Thank you for your concern. Jeremiah, my brother, is not missing. He is safe and is with our family in the province. God bless you all. – Echo.”

Matatandaang humingi ng tulong ang pamilya ni Jeremiah matapos siyang maiulat na nawawala mula pa noong Hunyo 20. Naglabas din ng panawagan ang kanyang partner na si Jhen Go sa pamamagitan ng Facebook (FB) noong Hunyo 25.

Buti na lang at ligtas na ang kapatid ng aking paboritong aktor, ang aking my love na si Jericho Rosales.