Mommy Caring, masusubok

ni Green Lantern - @Renda at Latigo | June 22, 2022

Makikilatis ngayong araw ang husay ni Mommy Caring pagsalang nito sa Condition Race (18) na ilalarga sa San Lazaro Leisure Park sa Carmona, Cavite.

May distansiyang 1,400 meter race, mapapalaban si Mommy Caring kontra pitong matitikas na kabayo ayon sa komento ng mga karerista.

Rerendahan ni jockey Pabs Cabalejo, makakatagisan ng bilis ni Mommy Caring sina Refuse To Lose, Top Czar, Morning Breeze, Goldsmith, Hamlet at magka-kuwadrang Critical Moments at Cam From Behind. "Magaling si Mommy Caring pero matagal na walang takbo," saad ni Jestoni Cabrera, veteran karerista.

Siyam na karera ang pakakawalan ng Manila Jockey Club Inc. (MJCI) ngayong araw kaya pihadong malilibang ng husto ang mga karerista.

Samantala, nagpakitang-gilas si Charm Campaign noong Linggo matapos manalo sa 2022 PHILRACOM Hopeful Stakes Race na inilarga sa Metro Turf, Malvar-Tanauan City, Batangas.

Nirendahan ni dating Philippine Sportswriters Association, (PSA) Jockey-of-the-Year awardee Jessie, hinamig ni Charm Campaign ang P900,000 sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

Inirehistro ni Charm Campaign ang 1:53.4 sa 1,800 meter race, sumegundo si Lauriatisimo na hinamig ang P337,500.

Binigyan ni Lauriatisimo ng magandang laban si Charm Campaign nang magbakbakan sila sa rektahan. Tumersero si Portsalt na nag-uuwi ng P187,500 habang pang-apat si Main Event na nagbulsa naman ng P75,000.

Mga Pili ni Green Lantern:

Race 1 - Club Havana/Cupid Song (4/4A), Sun Dance (1), Best Offer (2) Race 2 - Noon Bell (3), My Jopay (1) Race 3 - Tokyo Tokyo Rumba (5), Amelia (13), Tininini (7) Race 4 - Kipitaki (1), Money For Biffany (2), Sky Plus (10) Race 5 - Haymaker (7), Aroma (4), Kingwash Dirtbgone (1) Race 6 - Coastal Road (6), Double Rock (7), Sweet City (8) Race 7 - Super Master (13), Back To The Future (10), Rockaway (7) Race 8 - Mommy Caring (3), Hamlet (8), Top Czar (4) Race 9 - Phenom, (11), Shelltex Gold (9), Happy Julliane (7)