MMDA exec, 10 death threats kada araw

ni Mylene Alfonso @News | June 15, 2026

Photo: Gabriel Go / FB

Nakatanggap umano ng mahigit sa 10 "death threats" kada araw si Metropolitan Manila Development Authority Special Operations Group–Strike Force (MMDA SOG-SF) Chief Gabriel Go.

Ginawa ni Go ang pagbubunyag sa kanyang pagdalo sa pulong balitaan ng Manila City Hall Reporters' Association (MACHRA) kamakailan sa Harbor View Restaurant.

Ani Go, karamihan sa natatanggap niyang death threats ay maaaring nananakot lamang, pero ang iba ay seryoso at ito ay natatanggap niya sa pamamagitan ng text messages, emails at liham.

Nilinaw din niya na hindi nagbebenepisyo ang MMDA sa mga iniisyu na tiket sa mga violators, taliwas sa sinasabi ng ilang netizen sa social media.

"Every ticket payment directly goes to the national treasury. So, hindi kami kumikita. Hindi kami nasa negosyo ng paniniket... quota or porsyento because that's corruption," wika niya.