Misis ni Chito, dating nilalait ng netizens… NERI TANGGAP SA HARVARD SCHOOL ONLINE, INULAN NG PAPURI

ni Beth Gelena - @Bulgary Files | August 12, 2020

Dahil sa mga namba-bash sa former actress na si Neri Miranda bilang businesswoman, nag-enrol siya ng Entrepreneurship Course sa Harvard School online.

Ipinost niya sa kanyang socmed ang Course Verification Form nang siya’y mag-enroll kung saan ang start ng pasok niya ay Sept. 2, 2020.

Sa comments section ng social media post ni Neri, hindi na panlalait ang kanyang nababasa kundi pawang positibo na.

“Alam ko na madaming bad trip dito kay Neri, pero we can't deny the fact na she really is a hardworking, self-made, independent business minded woman. 'Yung tipong kahit iwan ng asawa, hindi magugutom at maghahabol ng sustento. I admire her wit. I’m actually starting to be a fan.”

Marunong daw kasi sa buhay ang misis ni Chito Miranda.

“'Yung pa-garden niya, nakatulong sa kanila nu'ng lockdown. Buti pa siya.”

Isang netizen ang malaki yata ang galit sa dating aktres o naiinggit sa kapalaran ni Neri.

Sabi ba naman, “Big difference between ‘certification’ and a real diploma. Ask yourself, bakit ang hirap pumasok sa Harvard University and get a real diploma vs. ‘certification’ lang na kahit sinong may pera, puwedeng mag-enroll?"

May nagsasabing meron daw free courses sa Harvard kaya malamang ay ‘yun ang pinasukan ni Neri.

Nilinaw naman ng isang netizen ang bagay na ito.

Paliwanag niya: “Hi! It's not free. I applied, passed and took the course last February. Yes, they offered a free version during the start of the pandemic but it's just 20% of what the actual course is. It's not an easy program -- it requires time, money, effort and presence of mind. I think you need to check your facts straight before claiming that HBSO is free."