Milyun-milyong US citizens, babakunahan ng COVID vaccine bago ang presidential elections, huwaw!

ni Ka Ambo - @Bistado | September 4, 2020

Nasira ang websites ng ABS-CBN at GMA kahapon nang magkasabay.

Huh, praktis ba sa RevGov?

◘◘◘

Sa ilalim ng deklarasyon ng Martial Law noong Sept. 21, 1972, biglang nawala ang signal ng radio at telebisyon—sarado rin ang imprentahan ng mga diyaryo.

Ngayon, tiyak na ang internet ay ididispalinghado kapag may kudeta o pag-aagaw ng poder sa pamahalaan kasama na ang RevGov!

◘◘◘

Nakaakyat na sa Malacañang ang isyu sa RevGov.

Matagal nang kumikilos ang mga tao sa likod nito—pero inuna lang muna ang mga nasa ibaba.

Maaaring nakarating ang diskarte sa itaas!

◘◘◘

Nakadagdag-gulo sa COVID ang RevGov.

Dapat na maglabas ng opisyal na pahayag hinggil dito ang Malacañang!

◘◘◘

Ayon kay DOH Secretary Francisco Duque, mabuti ang kalusugan ni P-Digong.

Huh, bakit ang nagpahayag ay isang gabinete na walang kredibilidad?

◘◘◘

Negatibo sa COVID si ex-Mayor Antonio Sanchez.

Pwes, hindi pa siyang puwedeng maging “abo”, sa freezer muna siya!

◘◘◘

Ipagagamit at ituturok na sa milyun-milyong US citizens ang COVID vaccine sa Nobyembre 1, 2—araw bago ang presidential elections.

‘Yan ay araw ng mga “patay”, hindi araw ng mga “mamamatay”!

◘◘◘

Hindi nalalayo ang US elections sa Pilipinas, free vaccine ang pambibili ng boto.

Sa Pilipinas, PhilHealth cards ang ginamit kaya’t nagwagi ang isang Pangulo!