Miguel, ‘di pipigilan sa mga gustong gawin… YSABEL, ‘DI NANUNUGOD NG IBANG BABAE

ni Mercy Lejarde @Showbiz Talkies | April 30, 2026

Photo: FB Isabel Ortega

Kitang-kita sa mga tantalizing eyes ng aktres na si Ysabel Ortega ang saya na may kasamang kilig nang mag-guest siya sa Fast Talk with Boy Abunda (FTWBA) nang mapag-usapan ang kanyang boyfriend na si Miguel Tanfelix.

Tanong ng King of Talk na si Boy Abunda kay Ysabel, “Napapansin namin na ipina-partner na kayo sa iba. Is that okay? Napapag-usapan n’yo ‘yan ni Miguel?”

Saad ni Ysabel, “Yes, of course, Tito Boy. Actually, ever since naman na nag-start na kaming gumawa ng sari-sarili naming shows, we were actually looking forward to it kasi there’s more room to grow for the both of us.

“And ‘yun nga, we’re doing different things right now. Pero at the same time, we’re still as strong as ever kasi ‘di naman din sa projects nababase ‘yung relationship namin.

“So we’re just here rooting for each other, supporting each other.”

Sabi ni Boy, “You’re very pretty. Pero ang guwapo ngayon ni Miguel.”

Saad ni Ysabel na may kasamang ngiti, “Oo nga, Tito Boy.”

Dagdag na tanong ni Boy, “‘Pag sinasabing s’ya ang ‘Timothée Chalamet ng Pilipinas,’ ano’ng dating n’yan sa ‘yo?”

Saad ni Ysabel, “I know, right. Ganu’n lang. I know, right! ‘Di ba?”

Hirit na tanong ni Boy, “Wala bang umaali-aligid kay Miguel? I mean, wala ka pa bang karanasan o kahit sa ‘yo?”

Saad ni Ysabel, “Parang wala naman din, Tito Boy, kasi alam naman din po ng lahat na meron kaming isa’t isa. So, parang wala namang nagkaroon ng ganu’ng instance.”

Tanong ni Boy, “Pero may mga pagkakataon kasi na minsan, ‘di iginagalang ‘yan. Sadly. Pero ikaw ba ‘yung tipong manunugod?”

Saad ni Ysabel, “Parang ‘di bagay sa mga mini-skirts ko rito. Ako, kayo na ‘yan. Basta ako, happy ako rito. We’re very happy. Bahala kayo r’yan.”

Dagdag na tanong ni Boy, “But you’re not territorial?”

Saad ni Ysabel, “No, ‘di po ako ganu’n. Kasi alam ko naman din na alam ni Miguel ‘yung boundaries n’ya. We know each other’s boundaries. We trust each other.”

Tanong ni Boy, “Papayagan mo ba si Miguel Tanfelix na gumawa ng love scenes?”

Birong saad ni Ysabel, “Didikit na lang ako, Tito Boy.”

Hirit na tanong ni Boy, “Pero ‘yung totoo, would you? Halimbawa, one day magpapaalam s’ya, ‘I have this wonderful material, but I have a love scene.’ Ano’ng sasabihin mo?”

Saad ni Ysabel, “If it’s something that he wants to do, why not? Basta ako, may tiwala ako kay Miguel. Parang ako pa nga ang mas kinakabahan na magka-kissing scene someday.”

Well, good for you, Ysabel. Tiwala lang at work lang nang work para makaipon ng salapi para sa bonggang kasalan na magaganap. ‘Yun na!

---

NAGBABALIK ang kauna-unahang community singing game show sa bansa na Everybody Sing (ES) para sa inaabangang ika-apat na season nito kasama ang Asia’s Unkabogable Superstar na si Vice Ganda ngayong Mayo 2 at Mayo 3, at mapapanood sa ABS-CBN sa ALLTV2, A2Z, Kapamilya Channel, iWant, at Kapamilya Online Live sa YouTube (YT) channel ng ABS-CBN.

Panibagong mga episodes na puno ng kulitan at kantahan ang aasahan ng mga manonood kasama ang mga masusuwerteng Songbayanan. Mas magiging kaabang-abang pa ang bawat linggo dahil may makakasamang special guest co-host si Vice Ganda, bukod pa sa iba’t ibang celebrity guests at singers na hindi lang magdadala ng saya kundi tulong sa Songbayanan para sa tsansang makapag-uwi ng mas malalaking papremyo. 

Nagbabalik din ang resident band ng programa na Six Part Invention.

Bukod sa bagong episodes, mayroon ding bagong pakulo ang programa na mas magpapalaki sa mapapanalunan ng Songbayanan. 

Ito ang Singko Blanko, kung saan kailangang mahulaan ng celebrity guest at apat na representatives ang limang nawawalang lyrics ng kanta para sa tsansang manalo ng hanggang P200,000.

Nagbabalik din ang paboritong jackpot round ng viewers na Ultimate Everybody Guessing, kung saan kailangang mahulaan ng Songbayanan ang 10 kanta para manalo ng P1 million. Ang bawat tamang kantang mahuhulaan ng 50 Songbayanan ay nagkakatumbas ng P20,000. Ang kabuuang pot money na kanilang malilikom ay kanilang paghahatian.

---

“ANG init kanina pero talagang ang lamig pakinggan ang words of wisdom and Gospel ni Lord,” ang pahayag ng komedyanang si Melai Cantiveros sa social media matapos makamit ang isa sa kanyang mga personal na pangarap—ang pagdalo sa isang misa ng

kilalang pari na si Fr. Jerry Orbos.

Sey ni Melai sa post niya, “Thank you, Lord. Natupad na ang isa sa bucket list ko na marinig ang homily ni Father Jerry.

“Live na live via sunlight kasi ang init kanina pero talagang ang lamig pakinggan ang words of wisdom and Gospel ni Lord through Father Jerry.

“Thank you, Father Lloyd, for your thanksgiving mass here sa Manila at na-grant ang wish ko na ma-experience ang words of God through the homily of Father Jerry.

“Thank you, Lord God, sa buhay ng ating mga pari na nagbibigay sa amin ng kalakasan at nagpapabusog sa aming kaluluwa ang iyong mga salita.

“Gabayan n’yo po ang ating mga kaparian. God be the glory in everything and in every way.”

Amen to that, Melai.

‘Yun lang, and I thank you.