Mga taga-showbiz, sinimulan nang bakunahan kontra-COVID

ni Lolet Abania | June 14, 2021

Nasa 120 manggagawa sa entertainment industry ang nabakunahan na kontra-COVID-19 sa gitna ng matinding epekto ng pandemya sa film industry, ayon sa Metropolitan Manila Development Authority (MMDA).

Agad itong naisagawa matapos na ang MMDA, na siyang nag-oorganisa ng Metro Manila Film Festival, ay nakipag-partner sa Movie Workers Welfare Foundation (MOWELFUND) para sa COVID-19 immunization program ng mga manggagawa sa movie industry.

Ang MOWELFUND ay isang non-government organization na nagsisilbi sa mga marginalized members ng movie industry.

“Most of them are working behind the camera, those assisting in lighting, scriptwriters and also most of them are included in the A1, A2, and A3 category,” ani MMDA Chairman Benhur Abalos, Jr. sa Laging Handa briefing ngayong Lunes.

“It is difficult for this industry because over one and a half years, movie houses are closed during the pandemic and we want to help them recover,” dagdag ni Abalos.

Ang mga celebrities at entertainment workers ay kabilang naman sa A4 priority list ng gobyerno o mga economic frontliners para mabakunahan. Una nang sinabi ng MMDA na aabot sa 300,000 film industry workers ang labis na naapektuhan ng pandemya.

“These include producers, cinemas, theater employees, ticket sellers, etc. However, if we include other businesses which are dependent on the movie industry, the total number of individuals affected stands at 500,000,” pahayag ng MMDA.