Mga Pinoy, ready na nga bang wakasan ang nat'l health emergency?

@Editorial | April 13, 2023

Handa na ang Pilipinas sakaling magdesisyon ang gobyerno na wakasan na ang national health emergency ukol sa COVID-19.

Ito ay ayon sa isang eksperto, kung saan napanatili na umano ang positivity rate sa bansa sa 5%, habang ang healthcare utilization rate ay below 10% na.

Lahat din umano ng gamot laban sa COVID ay mabibili na sa mga piling ospital sa bansa.

Mas handa na rin umano ang mga nurse at doktor sakaling magkaroon muli ng surge.

Matagal na panahon tayong natuon sa COVID dahil kinakailangan, pero huwag din sanang makalimutan na may iba pang mga sakit gaya ng pulmonary at heart diseases na dapat bantayan.

Kung sakaling wakasan na ang national emergency sa COVID, sana ay sumunod pa rin ang lahat sa minimum health standard upang maiwasan ang muling pagkalat ng virus.

Sa totoo lang, kung responsable at disiplinado ang lahat, mas madali nang tapusin ang pangamba sa COVID. Kumbaga, alam na natin kung paano makapamumuhay nang maayos kahit pa may banta ng nakahahawang sakit.

Laging lang mag-ingat at alagaan ang kalusugan.