Mga Pinoy dapat na makiisa sa Earth Hour – Palasyo

ni Lolet Abania | March 26, 2022

Hinimok ng Malacañang ang lahat ng mga Pilipino na makiisa sa isasagawang Earth Hour ngayong taon, na sadyang mabuting paalala o “good reminder” ito sa mga kaganapan na dulot ng climate crisis.

Itinakda ang Earth Hour ng alas-8:30 ng gabi ngayong Sabado, kung saan hinihikayat ang mga Pinoy na magpatay ng kanilang mga non-essential lights o mga ilaw ng isang oras para maipakita ang kanilang pagmamahal at pakikiisa para protektahan ang ating planeta.

“The Philippines is highly vulnerable to the effects of climate change,” pahayag ni acting Palace Spokesman Martin Andanar.

“This year’s Earth Hour is a good reminder that climate change and global warming are real issues that we need to pay more attention to and require urgent action,” dagdag ni Andanar.

Ayon sa opisyal, dapat na mag-participate dito ang mga kababayan para maipakita ang kanilang suporta sa ganitong gawain, habang inilarawan ito ni Andanar bilang, “active involvement in shaping our future.”

Sa isang report ngayong buwan ng Intergovernmental Panel on Climate Change ng UN (United Nations), na siyang top global climate science authority, ibinabala nito na ang heat waves, droughts o tagtuyot, at extreme rainfall o matinding pag-ulan ay magiging mas madalas pa sa mga darating na dekada habang ang temperatura ay patuloy na tataas.

“[Already], increasing weather and climate extreme events have exposed millions of people to acute food insecurity and reduced water security,” batay sa panel.

Ayon pa sa UN climate change panel, “the global carbon dioxide emissions must reach net zero by 2050 if global warming is to be limited to 1.5 degrees Celsius to curb disastrous impacts.”