Mga gustong mag-artista, pinaghuhubad... GMA Sparkle, ginamit sa fake audition, nagbabala

ni Eli San Miguel - Trainee @Entertainment | April 18, 2024

Nagbabala ang Sparkle GMA Artist Center sa publiko laban sa fake recruitment activities na ginagamit ang kanilang pangalan sa social media at nagsasagawa ng mga auditions kung saan requirement ang paghuhubad o pagpapadala ng sexy photos ng mga kalahok.

Inilabas ng Sparkle ang opisyal na pahayag ukol dito sa kanilang Instagram page noong Martes.

“It has come to our attention that there are certain individuals posing as Sparkle executives and are conducting unauthorized recruitment activities on Viber, Telegram and Whatsapp,” saad nito.

“Employees of GMA and Sparkle will never ask you to attend casting auditions, whether in person or online, where you will be required to take off your clothes. Nor will you ever be asked to send sexy photos or image where you’re unclothed,” paglilinaw pa ng talent management.

Hinimok din ng kumpanya ang publiko na i-report ang mga fake auditions sakaling sila ay makakita ng ganito.